TRENDING:
മറ്റ് കാരറ്റുകളിലും ഇന്ന് വലിയ വിലക്കുറവ് പ്രകടമാണ്. 18 കാരറ്റ് സ്വർണ്ണം ഗ്രാമിന് 11,630 രൂപയും പവന് 93,040 രൂപയുമാണ് ഇന്നത്തെ നിരക്ക്. 14 കാരറ്റ് സ്വർണ്ണത്തിന് ഗ്രാമിന് 9,060 രൂപയും പവന് 72,480 രൂപയുമായി വില താഴ്ന്നു. 9 കാരറ്റ് സ്വർണ്ണത്തിന് ഗ്രാമിന് 5,840 രൂപയും പവന് 46,720 രൂപയുമാണ് വില. സ്വർണ്ണത്തിനൊപ്പം വെള്ളിയുടെ വിലയിലും ഇന്ന് കുറവുണ്ടായിട്ടുണ്ട്, ഗ്രാമിന് 300 രൂപയായാണ് വെള്ളി വില താഴ്ന്നിരിക്കുന്നത്.
സംസ്ഥാനത്ത് വെള്ളിവിലയും കുറഞ്ഞു. ഒരു കിലോ വെള്ളിയ്ക്ക് ഇന്ന് 3,00,000 രൂപയാണ് വില. ഒറ്റയടിക്ക് 20,000 രൂപയാണ് കുറഞ്ഞത്. ഗ്രാമിന് 20 രൂപയാണ് കുറഞ്ഞത്. 300 രൂപയാണ് ഇന്ന് ഒരു ഗ്രാം വെള്ളിയുടെ വില.
advertisement
ഡോളർ നിരക്ക് മെച്ചപ്പെട്ടുവരുന്നതും സ്വർണ്ണവില താഴാൻ പ്രധാന കാരണമായിട്ടുണ്ട്. നിലവിൽ ഡോളർ സൂചിക 97.77 എന്ന നിരക്കിലും ഡോളറിനെതിരെ രൂപയുടെ മൂല്യം 90.45 എന്ന നിലയിലുമാണ്. രൂപയുടെയും ഡോളറിന്റെയും മൂല്യവ്യത്യാസം പരിഗണിച്ചാണ് ജ്വല്ലറി വ്യാപാരികൾ വില നിശ്ചയിക്കുന്നത് എന്നതിനാൽ വിപണിയിലെ മാറ്റങ്ങൾക്കനുസരിച്ച് ഉച്ചയ്ക്ക് ശേഷവും വിലയിൽ വ്യത്യാസം വരാൻ സാധ്യതയുണ്ട്.
ആഗോള വിപണിയിൽ ഓഹരി സൂചികകൾ ശക്തമായി മുന്നേറുന്നതും സ്വർണവിലയിൽ ഇടിവിന് വഴിയൊരുക്കുന്നു. സുരക്ഷിത നിക്ഷേപമെന്ന നിലയിൽ സ്വർണം തിരയുന്ന പ്രവണത കുറയുമ്പോൾ വില താഴ്ന്നേക്കാം.
Click here to add News18 as your preferred news source on Google.