2022 മെയ് മാസത്തിൽ കേന്ദ്ര സർക്കാർ പെട്രോളിന്റെയും ഡീസലിന്റെയും സെൻട്രൽ എക്സൈസ് തീരുവ ലിറ്ററിന് യഥാക്രമം 8 രൂപയും 6 രൂപയും കുറച്ചിരുന്നു. നിലവിൽ ഡൽഹിയിൽ പെട്രോൾ ലിറ്ററിന് 96.72 രൂപയിലും ഡീസൽ ലിറ്ററിന് 89.62 രൂപയിലുമാണ്. അതേസമയം മുംബൈയിൽ പെട്രോൾ ലിറ്ററിന് 106.31 രൂപയ്ക്കും ഡീസൽ 94.27 രൂപയുമാണ്.
നരേന്ദ്ര മോദി സർക്കാർ സ്വീകരിച്ച നിർണായക നടപടികൾ ആഗോള എണ്ണവിലയിലെ ചാഞ്ചാട്ടത്തിൽ നിന്ന് സാധാരണക്കാർക്ക് രക്ഷയായി മാറി.
2021 ഒക്‌ടോബർ മുതൽ 2023 ഒക്‌ടോബർ വരെയുള്ള കണക്കുകൾ പ്രധാന രാജ്യങ്ങളിലെയും അയൽരാജ്യങ്ങളിലെയും ഡീസൽ വിലയിലെ വ്യത്യാസം എടുത്തുകാണിക്കുന്നതാണ്. 1% പോയിന്റ് ഇടിവ് കണ്ട ഇന്ത്യ ഒഴികെ, മിക്ക രാജ്യങ്ങളിലും ഇന്ധനവില ഉയർന്നു. ഉദാഹരണത്തിന്, ശ്രീലങ്ക (118), പാകിസ്ഥാൻ (73), നേപ്പാൾ (53), ബംഗ്ലാദേശ് (45) എന്നിവിടങ്ങളിൽ വർദ്ധനവ് രേഖപ്പെടുത്തി. യുഎസ് (39), കാനഡ (31), സ്പെയിൻ (25), ഫ്രാൻസ് (24), ഇറ്റലി (22), ജർമനി (21), യുകെ (13) എന്നിവിടങ്ങളിൽ പോലും ഇന്ധനവിലയിൽ കുതിച്ചുചാട്ടം കണ്ടു.
advertisement
പെട്രോൾ വിലയിലെ മാറ്റത്തിന്റെ കാര്യത്തിൽ ഇന്ത്യയിൽ 5% പോയിന്റ് കുറഞ്ഞു, അതേസമയം മിക്ക രാജ്യങ്ങളിലും വർദ്ധനവാണ്. ഇതേ കാലയളവിലെ കണക്കുകൾ കാണിക്കുന്നത് പാകിസ്താൻ 70, ശ്രീലങ്ക 60, നേപ്പാൾ 40, ബംഗ്ലാദേശ് 26 എന്നിങ്ങനെയാണ്. മറ്റ് പ്രധാന സമ്പദ്‌വ്യവസ്ഥകളിലും ഇത് ഉയർന്നു - യുഎസ് (22), സ്പെയിൻ (16), ഫ്രാൻസ്. (15), യുകെ (10), കാനഡ (8) എന്നിവിടങ്ങളിലും ഇന്ധനവില ഉയർന്നു.
കേന്ദ്ര പെട്രോളിയം പ്രകൃതി വാതക മന്ത്രി ഹർദീപ് സിംഗ് പുരി അടുത്തിടെ പറഞ്ഞത് മോദി സർക്കാരിന്റെ നടപടികളാണ് രാജ്യത്ത് എണ്ണ വില കുറയാൻ കാരണമായതെന്നാണ്. "ലോകമെമ്പാടും ഇന്ത്യയ്ക്ക് ചുറ്റും വില 70-80% വർദ്ധിച്ചു, വടക്കേ അമേരിക്കയിൽ 40-50% കൂടിയപ്പോൾ ഇന്ത്യയിൽ വില 5% കുറഞ്ഞു, ഇത് പ്രധാനമന്ത്രി മോദി സ്വീകരിച്ച നിർണായക നടപടികൾ കാരണമാണ്," അദ്ദേഹം പറഞ്ഞു.