Chandrayaan-3 | ചന്ദ്രനെ തൊടാൻ തയ്യാറായി ചന്ദ്രയാൻ; സോഫ്റ്റ് ലാൻഡിങ് നാളെ വൈകിട്ട് 6 മണിയോടെ

6 മണിയോടെ ലാൻഡിംഗ് പൂർത്തിയാകും. ഇതിനിടെ ചന്ദ്രയാൻ 3 പകർത്തിയ ചന്ദ്രന്റെ ഏറ്റവും പുതിയ ചിത്രങ്ങൾ ISRO പുറത്തുവിട്ടു.

ചന്ദ്രോപരിതലത്തിൽ ചന്ദ്രയാൻ സുരക്ഷിതമായി ഇറങ്ങുമെന്ന് ഉറപ്പുണ്ടെങ്കിലും അവസാന 30 കിലോമീറ്റർ നിർണായകമാകുമെന്നാണ് ശാസ്ത്രജ്ഞയും ഇന്ത്യൻ ഇൻസ്റ്റിറ്റ്യൂട്ട് ഓഫ് ആസ്ട്രോഫിസിക്സ് ഡയറക്ടറുമായ പ്രൊഫസർ അന്നപൂർണി സുബ്രഹ്മണ്യം ന്യൂസ് 18 ന് നൽകിയ അഭിമുഖത്തിൽ പറഞ്ഞത്.

ചന്ദ്രയാൻ 2ന്റെ ഓർബിറ്ററുമായി ചന്ദ്രയാൻ 3ന്റെ ലാൻഡർ ആശയ വിനിമയം സ്ഥാപിച്ചു. ഇന്നലെയാണ് ഈ സുപ്രധാനമായ പ്രക്രിയ പൂർത്തിയായത്. ആഗസ്റ്റ് 5 നാണ് ചന്ദ്രന്റെ ഭ്രമണപഥത്തിൽ ചന്ദ്രയാൻ 3 പ്രവേശിച്ചത്.

ചന്ദ്രോപരിതലത്തിൽ സുരക്ഷിതമായ ലാൻഡിംഗിലും പര്യവേക്ഷണം നടത്തുന്നതിനുമുള്ള ചന്ദ്രയാൻ-2-ന്റെ തുടർച്ചയായ ദൗത്യമാണ് ചന്ദ്രയാൻ-3.