TRENDING:
"സോഫ്ട് ലാന്ഡിംഗിന്റെ ആദ്യ ഘട്ടത്തില് പ്രശ്നങ്ങളൊന്നുമുണ്ടായിരുന്നില്ല. എന്നാല് അവസാനഘട്ടമായപ്പോള് വിക്രം ലാന്ഡറുമായുള്ള ബന്ധം നഷ്ടമായി."- ഡോ. ശിവന് പറഞ്ഞു.
"ദൗത്യത്തില് പ്രധാനമന്ത്രി നരേന്ദ്രമോദിയുടെ നിലപാടുകള് പ്രചോദനമായി. അദ്ദേഹത്തിന്റെ പ്രസംഗം വന്പിന്തുണയും പ്രചോദനവുമാണ് ഞങ്ങളിലുണ്ടാക്കിയത്. പ്രധാനമന്ത്രിയുടെ വാക്കുകളില് ഞങ്ങള് സന്തുഷ്ടരാണ്."
"ചന്ദ്രയാന് ഒന്നില് നിന്നും വ്യത്യസ്തമായി രണ്ടാമത്തെ ദൗത്യത്തില് രണ്ട് തരംഗദൈര്ഘ്യത്തിലുള്ള ഓര്ബിറ്ററുകളാണ് ഉപയോഗിച്ചത്. ഓര്ബിറ്ററുകളിലുള്ള പേലോഡുകളില് നിന്നും വരും വര്ഷങ്ങളില് നിരവധി വിവരങ്ങള് നമുക്ക് ലഭിക്കും. ശാസ്ത്രീയമായി നോക്കുമ്പോള് ചന്ദ്രയാന് രണ്ട് നൂറു ശതമാനവും വിജയമായിരുന്നു. എന്നാല് സാങ്കേതികമായി മാത്രമാണ് പരാജയപ്പെട്ടത്. ദൗത്യം നൂറു ശതമാനത്തോളെ വിജയമായിരുന്നു."
"ഓര്ബിറ്ററിന് ഏഴര വര്ഷത്തോളം ചന്ദ്രനെ ഭ്രമണം ചെയ്യാന് സാധിക്കും. നേരത്തെ അത് ഒരു വര്ഷമെന്നാണ് കണക്കാക്കിയിരുന്നത്. ഇതിലൂടെ ചന്ദ്രനെ പൂര്ണമായും നമ്മുടെ നിരീക്ഷണ വലയത്തിലാക്കാന് സാധിക്കും"- ശിവന് പറഞ്ഞു.
നിലവില് വിക്രം ലാന്ഡറുമായുള്ള ബന്ധം നഷ്ടമായിരിക്കുകയാണ്. അടുത്ത 14 ദിവസം ലാന്ഡറുമായുള്ള ബന്ധം പുനസ്ഥാപിക്കാനുള്ള ശ്രമങ്ങള് നടത്തും. ചന്ദ്രയാന് ദൗത്യം ഇസ്രോയുടെ മറ്റു പദ്ധതികളെയൊന്നും ബാധിച്ചിട്ടില്ലെന്നും ഡോ. ശിവന് വ്യക്തമാക്കി.
ഒക്ടോബര് മാസത്തോടെ കാര്ട്ടോസാറ്റ് പദ്ധതി പൂര്ത്തിയാക്കും. 2020-ല് ഗഗന്യാന് പദ്ധതി പൂര്ത്തിയാക്കുമെന്നും അദ്ദേഹം പറഞ്ഞു.
Click here to add News18 as your preferred news source on Google.