ലാവാ ബ്ലെയ്സ് 5ജി (Lava Blaze 5G – 10,999)
സ്മൂത്തും റെസ്‌പോണ്‍സീവുമായ ഡിസ്‌പ്ലേ ആണ് നിങ്ങള്‍ക്ക് ആവശ്യമെങ്കില്‍ അതിന് പറ്റിയ ഓപ്ഷനാണ് ലാവാ ബ്ലെയ്സ് 5G. 6.52 ഇഞ്ച് IPS എൽസിഡി സ്‌ക്രീന്‍ ആണ് ഈ ഫോണിനുള്ളത്. കൂടാതെ 90Hz റിഫ്രഷ് റേറ്റും 720 x 1600 പിക്‌സല്‍ റെസലൂഷനും ഈ ഫോണിന്റെ മറ്റ് പ്രത്യേകതയാണ്. 8 എംബി സെല്‍ഫി ക്യാമറയും ഫോണിലുണ്ട്. ഫോണിന് പിന്നില്‍ ട്രിപ്പിള്‍ ക്യാമറ സെറ്റപ്പാണുള്ളത്. 50 എംപി മെയിന്‍ സെന്‍സര്‍, 2 എംപി മാക്രോ ലെന്‍സ്, 0.3 എംപി ഡെപ്ത്ത് സെന്‍സറും ഫോണിലുണ്ട്. ആന്‍ഡ്രോയ്ഡ്-12ല്‍ പ്രവര്‍ത്തിക്കുന്ന ഈ ഫോണിന് 5000 mAh ബാറ്ററി ബാക്കപ്പുമുണ്ട്.
advertisement
റെഡ്മി 12 5ജി / പോക്കോ എം6 പ്രോ (Redmi 12 5G/Poco M6 Pro) – വില 10999, 11999
ഫീച്ചേഴ്‌സിന്റെ കാര്യത്തില്‍ സമാനതകള്‍ ഉണ്ടെങ്കിലും ബ്രാന്‍ഡിംഗിലും ഡിസൈനിലും ഈ രണ്ട് ഫോണുകളും വ്യത്യസ്തത പുലര്‍ത്തുന്നു. 90Hz റിഫ്രഷ് റേറ്റും 1080 x 2460 പിക്‌സല്‍ റെസലൂഷനും ഉള്ള ഇവയ്ക്ക് 6.79 ഇഞ്ച് IPS LCD ഡിസ്‌പ്ലേയാണുള്ളത്. ഡ്യുവല്‍ റിയര്‍ ക്യാമറ സംവിധാനവും ഇവ രണ്ടിലുമുണ്ട്. 8 എംപിയാണ് ഫ്രണ്ട് ക്യാമറ. എച്ച്ഡി വീഡിയോകള്‍ റെക്കോര്‍ഡ് ചെയ്യാന്‍ പര്യാപ്തമായവയാണ് ഇവ. 8ജിബി റാമും 256 ജിബി സ്റ്റോറേജ് സംവിധാനവും ഈ ഫോണുകളില്‍ ഏര്‍പ്പെടുത്തിയിട്ടുണ്ട്. കൂടാതെ ഫിംഗര്‍ പ്രിന്റ് സ്‌കാനറും ഫോണില്‍ സജ്ജീകരിച്ചിരിക്കുന്നു. ആന്‍ഡ്രോയ്ഡ്-13ല്‍ പ്രവര്‍ത്തിക്കുന്ന ഇവയ്ക്ക് 5000mAh ബാറ്ററി പവറുമുണ്ട്.
ഇൻഫിനിക്സ് ഹോട്ട് 30 5ജി (Infinix Hot 30 5G – 12,499 രൂപ)
വലിയ ഡിസ്‌പ്ലേയും മികച്ച ബാറ്ററി ബാക്കപ്പുമുള്ള സ്റ്റൈലിഷ് സ്മാര്‍ട്ട് ഫോണാണ് ഇൻഫിനിക്സ് ഹോട്ട് 30. 1080 x 2460 പിക്‌സല്‍ റെസല്യൂഷനുള്ള 6.78 ഇഞ്ച് ഐപിഎസ് എല്‍സിഡി ഡിസ്‌പ്ലേയും 8 എംപി സെല്‍ഫി ക്യാമറയ്ക്കുള്ള വാട്ടര്‍ഡ്രോപ്പ് നോച്ചും ഈ ഫോണില്‍ ഒരുക്കിയിരിക്കുന്നു. 50 എംപി പ്രൈമറി ഷൂട്ടറും 0.08 എംപി ഡെപ്ത്ത് സെന്‍സറും ഉള്ള ഡ്യുവല്‍ ക്യാമറ സംവിധാനമാണ് ഫോണിന് പിന്നിലുള്ളത്. 8 ജിബി റാമും 128 ജിബി സ്റ്റോറേജും ഫോണിനുണ്ട്. കൂടാതെ ഫിംഗര്‍ പ്രിന്റ് സ്‌കാനര്‍ സംവിധാനവും ഫോണില്‍ അവതരിപ്പിച്ചിട്ടുണ്ട്.
സാസംങ് ഗ്യാലക്സി എം13 5ജി (Samsung Galaxy M13 5G – 13,999 രൂപ)
ഒരു ബഡ്ജറ്റ് ഫ്രണ്ട്‌ലി ഫോണ്‍ വാങ്ങാന്‍ ആഗ്രഹിക്കുന്നവര്‍ക്ക് പറ്റിയ ഓപ്ഷനാണ് സാസംങ് ഗ്യാലക്സി എം13. വളരെ സ്മൂത്തായ ഡിസ്‌പ്ലേയും ക്യാമറയുമാണ് ഈ ഫോണില്‍ അവതരിപ്പിച്ചിരിക്കുന്നത്. 90Hz റിഫ്രഷ് റേറ്റും 1080x 2408 പിക്‌സല്‍ റെസലൂഷനുമുള്ള 6.6 ഇഞ്ച് PLS LCD ഡിസ്‌പ്ലേയാണ് ഇതിനുള്ളത്. 50എംപി മെയിന്‍ സെന്‍സറും, 5 എംപി അള്‍ട്രാവൈഡ്, 2 എംപി ഡെപ്ത് സെന്‍സര്‍ എന്നിവയുള്‍പ്പെടുന്ന ഡ്യുവല്‍ ക്യാമറ സംവിധാമാണ് ഫോണിലുള്ളത്. 8 എംപിയുടെ ഫ്രണ്ട് ക്യാമറയുമുണ്ട്. എച്ച്ഡി വീഡിയോകള്‍ റെക്കോര്‍ഡ് ചെയ്യാന്‍ ഇവ സഹായിക്കുന്നു. 6000mAh ബാറ്ററി ബാക്കപ്പാണ് ഫോണിനുള്ളത്.
വിവോ T2x (Vivo T2x – 13,999 രൂപ)
1080 x 2408 പിക്‌സല്‍ റെസല്യൂഷനോടു കൂടിയ 6.58 ഇഞ്ച് ഐപിഎസ് എല്‍സിഡി ഡിസ്‌പ്ലേയോടെ പുറത്തിറക്കിയിരിക്കുന്ന ഫോണാണ് വിവോ T2x. 50 എംപി പ്രൈമറി ഷൂട്ടറും 2 എംപി ഡെപ്ത്ത് ലെന്‍സും അടങ്ങിയ ഡ്യുവല്‍ ക്യാമറ സംവിധാനവും ഈ ഫോണിന്റെ പ്രത്യേകതയാണ്. ഫ്രണ്ട് ക്യാമറ 8 എംപിയാണ്. 5000mAh ബാറ്ററി പവറാണ് ഈ ഫോണ്‍ വാഗ്ദാനം ചെയ്യുന്നത്.