“ഗണേശ ചതുര്ഥി ദിനത്തിൽ ജിയോ എയർഫൈബർ ആരംഭിക്കുമെന്ന് പ്രഖ്യാപിക്കുന്നതിൽ എനിക്ക് സന്തോഷമുണ്ട്, ഇത് ഉപഭോക്തൃ മൂല്യത്തിനും ഇന്ത്യൻ ഹോം സെഗ്മെന്റിലെ വരുമാന വളർച്ചയ്ക്കും മറ്റൊരു തലം നൽകുന്നു,” റിലയൻസ് ചെയർമാൻ മുകേഷ് അംബാനി പറഞ്ഞു.
രാജ്യത്തിന്റെ എല്ലാ കോണുകളേയും ബന്ധിപ്പിക്കുന്നതിൽ ടെലികോം കമ്പനികൾ വെല്ലുവിളികൾ നേരിടുന്നു, ഇവിടെയാണ് റിലയൻസ് ജിയോ അതിവേഗ കണക്റ്റിവിറ്റി നൽകാൻ ജിയോ എയർഫൈബർ മുന്നോട്ടുവെക്കുന്നത്. അവസാനത്തെ ആൾക്കും കണക്ഷൻ നൽകാൻ ഫൈബറിന് ജിയോ എയർഫൈബർ, 5G നെറ്റ്‌വർക്കും നൂതന വയർലെസ് സാങ്കേതികവിദ്യകളും ഉപയോഗിക്കുന്നു,” റിലയൻസ് ചെയർമാൻ എടുത്തുപറഞ്ഞു.
advertisement
ജിയോ എയർഫൈബർ ഉപകരണം ഉപയോഗിക്കുന്നതിലൂടെ, കമ്പനിക്ക് പ്രതിദിനം 150,000 കണക്ഷനുകൾ വരെ വാഗ്ദാനം ചെയ്യാൻ കഴിയുമെന്നും അദ്ദേഹം ചൂണ്ടിക്കാട്ടി, അടുത്ത മൂന്ന് വർഷത്തിനുള്ളിൽ 20 കോടിയിലേറെ കുടുംബങ്ങളിലേക്ക് എത്താനും കഴിയും. ജിയോ നിലവിലുള്ള ജിയോഫൈബർ വയർഡ് നെറ്റ്‌വർക്ക് ഉപയോഗിക്കാനും വീടിനും ഓഫീസുകൾക്കും അതിവേഗ ഇന്റർനെറ്റ് കണക്റ്റിവിറ്റി വാഗ്ദാനം ചെയ്യുന്ന ജിയോ എയർഫൈബർ ഉപകരണവുമായി ബന്ധിപ്പിക്കാനും കഴിയും.
20 കോടി വീടുകളിലേക്ക് അതിവേഗ ഇന്റർനെറ്റ് ലഭ്യമാക്കുകയാണ് ജിയോ എയർഫൈബറിലൂടെ ലക്ഷ്യമിടുന്നതെന്ന് ആകാശ് അംബാനി പറഞ്ഞു. ഇതിലൂടെ വീടുകളെ സ്മാർട്ട് ആക്കാനും ലക്ഷ്യമിടുന്നു. ജിയോ സ്മാർട്ട് ഹോം സേവനം വൈകാതെ രാജ്യമെങ്ങും ലഭ്യമാക്കും. ജിയോ ട്രൂ 5G കൂടുതൽ ആളുകളിലേക്ക് എത്തിക്കുമെന്നും അദ്ദേഹം വ്യക്തമാക്കി.
ചന്ദ്രയാൻ നേട്ടവും ജി20 അധ്യക്ഷപദവിയും ഇന്ത്യ തടുക്കാനാകാത്ത ശക്തിയാണെന്ന് തെളിയിച്ചതായി റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി. 46-ാമത് റിലയൻ വാർഷിക പൊതുയോഗത്തെ അഭിസംബോധന ചെയ്തു സംസാരിക്കുകയായിരുന്നു മുകേഷ് അംബാനി. പ്രധാനമന്ത്രി നരേന്ദ്ര മോദിയുടെ കീഴിൽ ഇന്ത്യ വളരുകയാണെന്ന് മുകേഷ് അംബാനി പറഞ്ഞു. ചന്ദ്രയാൻ 3 നേട്ടത്തെ അംബാനി അഭിനന്ദിക്കുകയും ചെയ്തു. ജിയോ ഇന്ത്യയെ ഡിജിറ്റൽ സമൂഹമാക്കി മാറ്റിയതായും അദ്ദേഹം പറഞ്ഞു.
അധിക മൂലധനച്ചെലവുകളില്ലാതെ 4ജി ഉപഭോക്താക്കളെ തടസ്സങ്ങളില്ലാതെ 5ജിയിലേക്ക് മാറ്റാൻ റിലയൻസ് ജിയോ സജ്ജമാണെന്ന് മുകേഷ് അംബാനി പറഞ്ഞു. രാജ്യത്തെ അത്യാധുനിക സാങ്കേതികവിദ്യയുടെ സ്രഷ്ടാക്കളായി ജിയോ മാറിയിരിക്കുന്നു. രാജ്യത്ത് ജിയോ 5ജി കണക്ടിവിറ്റി അവതരിപ്പിച്ചത് തീർത്തും സ്വദേശീയമായ സാങ്കേതികവിദ്യ ഉപയോഗിച്ചാണെന്നും മുകേഷ് അംബാനി പറഞ്ഞു.
രാജ്യത്ത് കൂടുതൽ തൊഴിലവസരങ്ങൾ സൃഷ്ടിക്കുന്നതിൽ റിലയൻസ് പുതിയ റെക്കോർഡുകൾ സ്ഥാപിച്ചതായി മുകേഷ് അംബാനി പറഞ്ഞു. കഴിഞ്ഞ ഒരു വർഷത്തിനിടെ റിലയൻസിന്‍റെ എല്ലാ സ്ഥാപനങ്ങളിലുമായി 2.6 ലക്ഷം തൊഴിലവസരങ്ങൾ പുതിയതായി ഉണ്ടായി. റിലയൻസിലെ ആകെ ജീവനക്കാരുടെ എണ്ണം ഏകദേശം 3.9 ലക്ഷമാണ്. തങ്ങൾ സൃഷ്ടിച്ച പരോക്ഷ തൊഴിൽ അവസരങ്ങളുടെ എണ്ണം പലമടങ്ങ് വലുതാണെന്നും അദ്ദേഹം പറഞ്ഞു.