ചൈനീസ് നിർമ്മിത ആപ്പുകൾ കണ്ടെത്തി നീക്കം ചെയ്യുന്ന ആപ്പ് വൈറലാകുന്നു

അതിന് പിന്നാലെയാണ് 'റിമൂവ് ചൈന ആപ്സ്' എന്ന മൊബൈൽ ആപ്ലിക്കേഷൻ ഹിറ്റായി മാറിയത്. ഉപയോക്താക്കളുടെ ഫോണിൽ ഇൻസ്റ്റാൾ ചെയ്തിരിക്കുന്ന ചൈനീസ് ആപ്പുകൾ കണ്ടെത്തി അൺഇൻസ്റ്റാൾ ചെയ്യുന്നതിനുള്ള നിർദേശം നൽകുകയാണ് ഈ ആപ്പിന്‍റെ രീതി. ജയ്പുരിലെ സ്റ്റാർട്ടപ്പ് കമ്പനിയായ വൺ ടച്ച് ആപ്പ് ലാബ്സ് വികസിപ്പിച്ചെടുത്ത ഈ ആപ്പ് രണ്ട് ആഴ്ചയ്ക്കിടെ 10 ലക്ഷം പേർ ഡൗൺലോഡ് ചെയ്തു കഴിഞ്ഞു.

'റിമൂവ് ചൈന ആപ്സ്' നിലവിൽ ആൻഡ്രോയ്ഡിൽ മാത്രമാണ് ലഭ്യമാകുന്നത്. 3.5MB വലുപ്പമുള്ള ഈ ആപ്പ് സൌജന്യമായി ഡൗൺലോഡുചെയ്യാനാകും. നിങ്ങളുടെ ഫോണിൽ ഇൻസ്റ്റാളുചെയ്‌തിരിക്കുന്ന ചൈനീസ് അപ്ലിക്കേഷനുകൾ കണ്ടെത്താൻ 'ഇപ്പോൾ സ്‌കാൻ ചെയ്യുക' ബട്ടൺ മതിയാകും. ഈ ആപ്പിലുള്ള ബിൻ ഐക്കണിൽ ടാപ്പുചെയ്തുകൊണ്ട് നിങ്ങൾക്ക് ചൈനീസ് അപ്ലിക്കേഷനുകൾ ഇല്ലാതാക്കാൻ കഴിയും.

രണ്ടാഴ്ച മുമ്പ് മാത്രം ഗൂഗിൾ പ്ലേസ്റ്റോറിൽ ലഭ്യമായ ഈ ആപ്പിന് ഇതിനോടകം വലിയതോതിലുള്ള ജനപ്രിയത കൈവരിക്കാനായി. നിലവിൽ 4.8 ആണ് ഈ ആപ്പിന്‍റെ റേറ്റിങ്ങ്. വൈകാതെ ഇത് ആപ്പിളിന്‍റെ ആപ്പ് സ്റ്റോറിൽ ഉൾപ്പടെ ലഭ്യമാക്കുമെന്നും ഡെവലപ്പർമാർ പറയുന്നു.