TRENDING:
ലോകേഷ് രാഹുലിന്റെ വിക്കറ്റാണ് ഇന്ത്യക്ക് നഷ്ടമായത്. നാലു പന്തുകള് നേരിട്ട താരം അക്കൗണ്ട് തുറക്കാതെയാണ് മടങ്ങിയത്. ഗബ്രിയേല് രാഹുലിനെ എല്ബിയില് കുരുക്കുകയായിരുന്നു. ഒടുവില് വിവരം കിട്ടുമ്പോള് ഇന്ത്യ ഏഴിന് ഒന്ന് എന്ന നിലയിലാണ് എട്ട് പന്തുകളില് നിന്ന് ഏഴ് റണ്സോടെ പൃഥ്വി ഷായും റണ്ണൊന്നുമെടുക്കാതെ ചേതേശ്വര് പൂജാരയുമാണ് ക്രീസില്.
advertisement
ഇന്ത്യക്കായി ടെസ്റ്റ് മത്സരം കളിക്കുന്ന 293 ാം താരമായാണ് പൃഥ്വി കോഹ്ലിയുടെ കീഴില് ആദ്യ അന്താരാഷ്ട്ര മത്സരത്തിനിറങ്ങിയത്. ആദ്യ മത്സരത്തിനിറങ്ങുന്ന തനിക്ക് യാതൊരു ടെന്ഷനും ഇല്ലെന്ന് കഴിഞ്ഞദിവസം താരം പ്രതികരിച്ചിരുന്നു.
ഇന്ത്യക്കെതിരെ കടലാസിലെ പുലികള് വിന്ഡീസ് തന്നെ
സച്ചിന് ടെണ്ടുല്ക്കര്ക്ക് ശേഷം ഇന്ത്യന് ടെസ്റ്റ് ടീമില് അരങ്ങേറ്റം കുറിക്കുന്ന അനുഭവസമ്പത്ത് കുറഞ്ഞ താരമാണ് പൃഥി ഷാ. സച്ചിന് 9 ഫസ്റ്റ് ക്ലാസ് മത്സരങ്ങള് മാത്രം കളിച്ചായിരുന്നു ടെസ്റ്റ് ടീമില് ഇടംപിടിച്ചത്. ഷായാകട്ടെ 14 മത്സരങ്ങളിലും. വെറും 14 മത്സരങ്ങള് മാത്രമേയുള്ളൂവെങ്കിലും അതില് മികച്ച റെക്കോര്ഡാണ് താരത്തിനു ഉയര്ത്തിക്കാട്ടാന് ഉള്ളത്.
ഏഴ് സെഞ്ച്വറികളും അഞ്ച് അര്ദ്ധ സെഞ്ച്വറികളുമാണ് താരം 14 മത്സരങ്ങളില് നിന്നും നേടിയത്. 1418 റണ്സ് സ്വന്തം പേരില് കുറിക്കുകയും ചെയ്തു. ഈ വര്ഷമാദ്യം നടന്ന അണ്ടര് 19 വേള്ഡ് കപ്പില് ഇന്ത്യന് സംഘത്തെ നയിച്ച പൃഥ്വി ഷാ ടീമിനെ ലോക ചാമ്പ്യന്മാരാക്കുകയും ചെയ്തിരുന്നു.
Click here to add News18 as your preferred news source on Google.