കാര്യവട്ടം ഏകദിനം; ഇന്ത്യൻ ടീം ഹയാത്തിൽ, ശ്രീലങ്ക താജ് വിവാന്തയിൽ; ഭക്ഷണക്രമത്തിന്റെ വിശദാംശങ്ങൾ കൈമാറി

നവീകരണത്തിന് ശേഷം തുറന്നിരിക്കുന്ന ഹയാത്ത് റീജസൻസി ഹോട്ടലിലാണ് ഇന്ത്യൻ ടീമിന് താമസ സൗകര്യം ഒരുക്കിയിട്ടുള്ളത്. ഹോട്ടലിലെ രണ്ടുനിലകൾ പൂർണമായും ഇന്ത്യൻ ടീമിനും ഒഫീഷ്യലുകൾക്കുമായി നീക്കിവെച്ചു. ആകെ 50 മുറികളാണ് മാറ്റിവെച്ചിരിക്കുന്നത്. ഈ നിലകളിലേക്ക് മറ്റ് അതിഥികൾക്ക് പ്രവേശന വിലക്കുണ്ട്. ഇന്നു മുതൽ ഇവിടെ കനത്ത സുരക്ഷാ വലയത്തിലായിരിക്കും. ശ്രീലങ്കൻ ടീമിന് താമസ സൗകര്യമൊരുക്കിയിരിക്കുന്നത് താജ് വിവാന്തയിലാണ്. 40 റൂമുകൾ ടീമിനും ഒഫീഷ്യലുകൾക്കുമായി നീക്കിവെച്ചു.

Also Read- ഷെട്ടി വീട്ടിൽ കല്യാണ മേളം; സുനിൽ ഷെട്ടിയുടെ മകൾ അതിയ ഷെട്ടിയും കെ.എൽ. രാഹുലും ഈ മാസം വിവാഹിതരാകും

advertisement

ഇ​രു​ടീ​മു​ക​ളും ഇന്ന് വൈ​കി​ട്ട് നാ​ലോ​ടെ കൊ​ല്‍ക്ക​ത്ത​യി​ല്‍നി​ന്ന്​ എ​യ​ര്‍ വി​സ്താ​ര​യു​ടെ പ്ര​ത്യേ​ക വി​മാ​ന​ത്തി​ല്‍ തി​രു​വ​ന​ന്ത​പു​ര​ത്തെ​ത്തും. ശ​നി​യാ​ഴ്ച ടീ​മു​ക​ൾ സ്റ്റേ​ഡി​യ​ത്തി​ല്‍ പ​രി​ശീ​ല​നം ന​ട​ത്തും. ഉ​ച്ച​ക്ക്​ ഒ​ന്ന്​ മു​ത​ല്‍ നാ​ലു​വ​രെ ശ്രീ​ല​ങ്ക​ക്കും വൈ​കിട്ട് അ​ഞ്ചു​മു​ത​ല്‍ എ​ട്ടു​വ​രെ ഇ​ന്ത്യ​ന്‍ ടീ​മി​നു​മാ​ണ് പ​രി​ശീ​ല​നം. ഞാ​യ​റാ​ഴ്ച​ത്തേ​ത് പ​ക​ൽ-​രാ​ത്രി മ​ത്സ​ര​മാ​ണ്.

ഗ്രീ​ന്‍ഫീ​ല്‍ഡ് സ്റ്റേ​ഡി​യ​ത്തി​ല്‍ ന​ട​ക്കു​ന്ന ര​ണ്ടാ​മ​ത്തെ അ​ന്താ​രാ​ഷ്ട്ര ഏ​ക​ദി​ന​മാ​ണി​ത്. 2018 ന​വം​ബ​ര്‍ ഒ​ന്നി​ന് സ്റ്റേ​ഡി​യ​ത്തി​ലെ ആ​ദ്യ ഏ​ക​ദി​ന​ത്തി​ൽ വെ​സ്റ്റി​ന്‍ഡീ​സി​നെ​തി​രാ​യി ഇ​ന്ത്യ ജ​യി​ച്ചു. ടി​ക്ക​റ്റ് വി​ല്‍പ​ന പു​രോ​ഗ​മി​ക്കു​ക​യാ​ണ്. വി​ദ്യാ​ര്‍ഥി​ക​ള്‍ക്കു​ള്ള ടി​ക്ക​റ്റു​ക​ള്‍ ബ​ന്ധ​പ്പെ​ട്ട വി​ദ്യാ​ഭ്യാ​സ​സ്ഥാ​പ​ന​ങ്ങ​ള്‍ മു​ഖേ​ന​യാ​ണ് വാ​ങ്ങേ​ണ്ട​ത്. വി​ദ്യാ​ഭ്യാ​സ സ്ഥാ​പ​ന​ത്തി​ന്റെ ലെ​റ്റ​ര്‍ ഹെ​ഡി​ല്‍ ടി​ക്ക​റ്റ് ആ​വ​ശ്യ​മു​ള്ളവരുടെ പേ​രും ഐ.​ഡി ന​മ്പ​റും ഉ​ള്‍പ്പെ​ടു​ത്തി ക്രി​ക്ക​റ്റ് അ​സോ​സി​യേ​ഷ​നു​മാ​യി ബ​ന്ധ​പ്പെ​ട​ണം.