- ഐപിഎൽ പോയിൻ്റ് പട്ടിക 2024 | IPL 2024 Points Table
- ഐപിഎൽ 2024 പട്ടിക | IPL 2024 Match Schedule
- ഐപിഎൽ 2024 പർപ്പിൾ തൊപ്പി | IPL 2024 Purple Cap
- ഐപിഎൽ 2024 ഓറഞ്ച് തൊപ്പി | IPL 2024 Orange Cap
- മിക്കതും ആറ് ഐപിഎൽ 2024 | Most Sixes in IPL 2024
advertisement
ടോസ് നേടി ബാറ്റിങ്ങിനിറങ്ങിയ സൂപ്പർ ജയന്റ്സിനായി ക്വിന്റൻ ഡി കോക്കും കെ എൽ രാഹുലും ചേർന്ന് ആദ്യ വിക്കറ്റിൽ 35 റൺസാണ് നേടിയത്. 15 റൺസെടുത്ത രാഹുൽ ജോണി ബെയർസ്റ്റോയ്ക്ക് ക്യാച്ച് നൽകി മടങ്ങി. ആറാം ഓവറിൽ ദേവ്ദത്ത് പടിക്കൽ (9) മടങ്ങിയതോടെ ലക്നൗ 2ന് 45 എന്ന നിലയിലായി. തകർത്തടിച്ചു തുടങ്ങിയ മാർക്കസ് സ്റ്റോയിനിസിനെ രാഹുൽ ചാഹർ വീഴ്ത്തി. 12 പന്തിൽ 19 റൺസാണ് താരത്തിന്റെ സമ്പാദ്യം.
മറുവശത്ത് നിലയുറപ്പിച്ച് കളിച്ച ഡി കോക്ക് 14ാം ഓവറിലെ ആദ്യ പന്തിൽ പുറത്തായി. 38 പന്തിൽ 2 സിക്സും 5 ഫോറും സഹിതമാണ് താരം 54 റൺസ് നേടിയത്. ക്യാപ്റ്റൻ നിക്കോളസ് പുരാൻ തകർത്തടിച്ചതോടെ ടീം സ്കോർ 150 കടന്നു. 21 പന്തിൽ 42 റണ്‍സ് നേടിയ പുരാനെ കഗിസോ റബാഡ ക്ലീൻ ബോൾഡാക്കി. ആയുഷ് ബദോനി (8), രവി ബിഷ്ണോയ് (0), രവി ബിഷ്ണോയ് (0) എന്നിവർ വന്നതുപോലെ മടങ്ങി.
അവസാന ഓവറുകളിൽ വമ്പനടികളുമായി കൃണാൽ പാണ്ഡ്യ കളം നിറഞ്ഞതോടെ സ്കോർ 200ന് തൊട്ടടുത്തെത്തി. 22 പന്തു നേരിട്ട കൃണാൽ 2 സിക്സും 4 ഫോറും ഉൾപ്പെടെ 43 റൺസ് നേടി പുറത്താകാതെ നിന്നു.
പരിക്കിൽനിന്ന് പൂർണ മുക്തനാവാത്ത കെ എൽ രാഹുലിനു പകരം എൽഎസ്ജിയെ നിക്കോളസ് പുരാനാണ് നയിക്കുന്നത്. മായങ്ക് യാദവ്, മണിമാരൻ സിദ്ധാർഥ് എന്നിവരുടെ അരങ്ങേറ്റ മത്സരം കൂടിയാണ് ഇന്നത്തേത്. പഞ്ചാബ് കിങ്സ് കഴിഞ്ഞ മത്സരത്തിലെ അതേ ടീമിനെ നിലനിർത്തി.