TRENDING:
പ്രീമിയര് ലീഗ് ചരിത്രത്തില് ഇത് മൂന്നാമത്തെ ടീം മാത്രമാണ് ഇങ്ങനെ എവേ മത്സരത്തില് ഒരു സീസണ് മുഴുവന് തോല്വി അറിയാതെ പോകുന്നത്. ചരിത്രത്തിൽ അവസാനമായി 2003-2004 സീസണില് ആഴ്സണല് ആണ് എവേ മത്സരങ്ങളില് പരാജയപ്പെടാതെ സീസണ് അവസനിപ്പിച്ചിട്ടുള്ളത്. 2001-2002സീസണിലും ആഴ്സണൽ തന്നെ ഈ നേട്ടം കരസ്ഥമാക്കിയിട്ടുണ്ട്. 1888ല് പ്രസ്റ്റണും സമാന നേട്ടം സ്വന്തമാക്കി. ഈ സീസണിൽ കളിച്ച 19 എവേ മത്സരങ്ങളിൽ 12 എണ്ണത്തിൽ മാഞ്ചസ്റ്റർ യുണൈറ്റഡ് വിജയിച്ചപ്പോൾ, 7 എണ്ണം സമനിലയിലായി.
advertisement
എന്നാൽ ടീം ഇത്തരത്തിൽ ശ്രദ്ധേയ നേട്ടം കരസ്ഥമാക്കിയപ്പോഴും ഒരു കാര്യത്തിൽ ആരാധകർ നിരാശരാണ്. കാരണം മറ്റൊന്നുമല്ല. എവേ ഗ്രൗണ്ടിൽ അപരാജിതരായിരുന്ന ഈ പ്രീമിയർ ലീഗ് സീസണിൽ സ്വന്തം തട്ടകമായ ഓൾഡ് ട്രാഫോഡിൽ അത്ര മികച്ച റെക്കോർഡല്ല യുണൈറ്റഡിന്റേത്. ഹോം ഗ്രൗണ്ടിൽ ഇക്കുറി കളിച്ച 19 മത്സരങ്ങളിൽ 9 വിജയങ്ങളും 4 സമനിലകളുമാണ് അവരുടെ സമ്പാദ്യം. എതിരാളികളുടെ ഗ്രൗണ്ടിൽ 43 പോയിന്റുകൾ നേടിയ മാഞ്ചസ്റ്റർ യുണൈറ്റഡ്, സ്വന്തം ഗ്രൗണ്ടിൽ ഇത്തവണ നേടിയത് 31 പോയിന്റുകൾ മാത്രമാണ്.
അവസാന മത്സരത്തിൽ രണ്ടാം നിര ടീമിനെയാണ് മാഞ്ചസ്റ്റര് യുണൈറ്റഡ് കളത്തില് ഇറക്കിയത്. വോള്വ്സ് പരിശീലകന് നുനോയുടെ ക്ലബിലെ അവസാന മത്സരമായിരുന്നു ഇത്. ബ്രൂണോ ഫെര്ണാണ്ടസ്, പോഗന് എന്നിവര് സ്ക്വാഡിലേ ഇടം കണ്ടാതിരുന്നപ്പോള് അമദ്, എലാംഗ എന്നീ യുവതാരങ്ങള് ആദ്യ ഇലവനില് എത്തി. ആകെ പത്തു മാറ്റങ്ങൾ ആദ്യ ഇലവനിൽ വരുത്തിയാണ് യുണൈറ്റഡ് ഇന്നലെ ഇറങ്ങിയത്. എന്നിട്ടും നല്ല തുടക്കമായിരുന്നു യുണൈറ്റഡിന് ലഭിച്ചത്.
മത്സരത്തിൽ ആന്തണി എലാംഗ, യുവാൻ മാട്ട എന്നിവർ വിജയികൾക്കായി വല കുലുക്കിയപ്പോൾ, നെൽസൺ സെമഡോ വോൾവ്സിനായി സ്കോർ ചെയ്തു. 74 പോയിന്റാണ് മാഞ്ചസ്റ്റര് യുണൈറ്റഡ് ഈ സീസണില് ആകെ നേടിയത്.
News summary: Manchester United completes 2020-21 English Premier League season with unbeaten away matches.
Click here to add News18 as your preferred news source on Google.