TRENDING:
കേരള ബ്ലാസ്റ്റേഴ്സ് ചെന്നൈയിന് എഫ് സി മത്സരത്തിനിടെ സി കെ വിനീത് ബോള് ബോയോട് മോശമായി പെരുമാറിയെന്ന് ആരോപിച്ചു ഒരു വോയിസ് ക്ലിപ്പ് മഞ്ഞപ്പടയുടെ വാട്സ്ആപ്പ് ഗ്രൂപുകളില് പ്രചരിച്ചിരുന്നു. ഇതിനു പിന്നാലെ മഞ്ഞപ്പട തനിക്കെതിരെ വ്യാജ പ്രചാരണം നടത്തുകയാണെന്ന് വിമര്ശിച്ച് വിനീത് പരസ്യമായി രംഗത്തെത്തുകയും പോലീസില് പരാതി നല്കുകയും ചെയ്തു.
advertisement
വ്യാജ പ്രചാരണം നടത്തി മഞ്ഞപ്പട തന്റെ കരിയര് തകര്ക്കാന് ശ്രമിക്കുകയാണെന്ന ഗുരുതര ആരോപണമാണ് സി കെ വിനീത് ഉന്നയിച്ചത്. എന്നാല് ഒരു വോയിസ് ക്ലിപ്പിന്റെ പേരില് മഞ്ഞപ്പടയെ മൊത്തത്തില് പ്രതി കൂട്ടിലാക്കുന്നത് ശരിയല്ലെന്നാണ് മഞ്ഞപ്പടയുടെ പറയുന്നത്. ഫുട്ബോള് മാത്രം വികാരമായ മഞ്ഞപ്പടയ്ക്ക് ഒരു ഫുട്ബോള് താരത്തിന്റെ കരിയര് തകര്ക്കേണ്ട കാര്യമല്ലെന്നും ഫാന് ഗ്രൂപ്പ് വ്യക്തമാക്കുന്നു..
സി കെ വിനീത് മോശം ഫോമില് കളിക്കുമ്പോഴും ഒപ്പം നിന്നത് മഞ്ഞപ്പട മാത്രമാണെന്നും ബ്ലാസ്റ്റേഴ്സ് ആരാധകര് പറഞ്ഞു. അതേ സമയം മഞ്ഞപ്പടക്കെതിരെ തനിക്ക് ഇനിയും കാര്യങ്ങള് പറയാന് ഉണ്ടെന്നും പരസ്യ പ്രതികരണം ടീം മാനേജ്മെന്റ് വിലക്കിയിരിക്കുന്നതിനാല് ഇപ്പോള് പ്രതികരിക്കുന്നില്ലെന്നും സി കെ വിനീത് ന്യൂസ്18 നോട് പ്രതികരിച്ചു.
Click here to add News18 as your preferred news source on Google.