2003-04 കാലഘട്ടത്തിലെ പര്യടനത്തില്‍ സൗരവ് ഗാംഗുലിയും സംഘവും ഓസീസിനെ 1-1 ന് സമനിലയില്‍ തളച്ചതിന് ഇന്നത്തെ വിജയത്തേക്കാള്‍ തിളക്കമുണ്ടെന്ന അഭിപ്രായവും ഉയര്‍ന്നു കഴിഞ്ഞു. എന്നാല്‍ ഈ രണ്ട് ടീമുകളേയും എങ്ങനെ താരതമ്യം ചെയ്യുന്നുവെന്ന മാധ്യമ പ്രവര്‍ത്തകരുടെ ചോദ്യത്തോട് ദാദയുടെ മറുപടി അത്തരം താരതമ്യത്തില്‍ യാതൊരു അര്‍ത്ഥവും ഇല്ലെന്നായിരുന്നു.
Also Read: 'ത്രികാലജ്ഞാനിയാണല്ലേ?' ജയം മാത്രമല്ല ഇക്കാര്യവും കുംബ്ലെ പ്രവചിച്ചു
താരതമ്യത്തിന് താന്‍ മുതിരുന്നില്ലെന്നും ഈ ചോദ്യത്തിന് ഉത്തരം നല്‍കാന്‍ എനിക്കാവില്ലെന്നും ഇന്ത്യയുടെ മുന്‍ നായകന്‍ പറഞ്ഞു. ഇരു ടീമുകളെയും താരതമ്യം ചെയ്യാന്‍ തയ്യാറായില്ലെങ്കിലും ഇന്ത്യന്‍ യുവതാരം ഋഷഭ് പന്തിന്റെ പ്രകടനത്തെ പ്രശംസിക്കാന്‍ ദാദ മറന്നില്ല. 'പന്ത് ഭാവിയിലേക്കുള്ള മുതല്‍ക്കൂട്ടാണെന്ന് ഗാംഗുലി പറഞ്ഞു.
advertisement
Also Read: കളിച്ചത് 9 മാച്ച് മാത്രം; റാങ്കിങ്ങിൽ ചരിത്രം തിരുത്തിയെഴുതി ഋഷഭ് പന്ത്
'ഇന്ത്യക്ക് ലഭിക്കാന്‍ പോകുന്ന ഒരു തകര്‍പ്പന്‍ താരമാണ് ഋഷഭ് പന്ത്. ഓസീസ് പര്യടനത്തില്‍ മികച്ച പ്രകടനമായിരുന്നു പന്തിന്റേത്. ഭാവിയില്‍ അവന്‍ തകര്‍പ്പന്‍ പ്രകടനം പുറത്തെടുക്കും' ഗാംഗുലി പറഞ്ഞു.