സീസണിൽ ആർ സി ബി നിരാശപ്പെടുത്തി. പക്ഷെ അവസാന മത്സരത്തിൽ ചിന്നസ്വാമി ഗാലറിയിലെത്തിയ ഒരു പെൺകുട്ടി ആരാധകരുടെ ഹൃദയം കവർന്നു. മത്സരത്തിനിടെ അഞ്ചു സെക്കൻഡ് മാത്രമാണ് ടെലിവിഷനിൽ കാണിച്ചതെങ്കിലും സമൂഹമാധ്യമങ്ങളിൽ താരമാകാൻ അത് മതിയായിരുന്നു. ആരാണീ സുന്ദരിയെന്ന അന്വേഷണമായി പിന്നീട്. അത് ചെന്നെത്തിയത് ദീപിക ഘോസെയിൽ. ഒരൊറ്റ രാത്രി കൊണ്ട് ഇൻസ്റ്റഗ്രാമിൽ ഫോളോവേഴ്സിന്റെ എണ്ണം 2000ൽ നിന്ന് രണ്ടു ലക്ഷം പിന്നിട്ടു. പ്രിയ വാര്യരുടെ കണ്ണിറുക്കലിനേക്കാൾ മനം നിറക്കുന്നതാണ് ദീപികയുടെ പുഞ്ചിരിയെന്നാണ് ആരാധകർ പറയുന്നത്.
advertisement
കടുത്ത ആർ സി ബി ആരാധിക എന്ന് സ്വയം വിശേഷിപ്പിക്കുന്ന ദീപിക 2015 മുതൽ ആർസിബിയുടെ മത്സരങ്ങൾ കാണാൻ ഗ്യാലറിയിൽ എത്താറുണ്ട്.
സ്റ്റൈലിസ്റ്റായ ദീപിക ഷാരൂഖ് ഖാൻ, അലിയ ഭട്ട് തുടങ്ങിയവരോടൊത്തുള്ള ചിത്രങ്ങൾ നേരത്തെ പോസ്റ്റ് ചെയ്തിട്ടുണ്ട്. ഇൻർനെറ്റിൽ തരംഗമായതോടെ ദീപികയ്ക്കെതിരെ ട്രോളുകളും അനവധിയാണ്.