'തള്ളിക്കളയാനാവില്ല'; ഇറാൻ യുദ്ധത്തിൽ സഖ്യകക്ഷികൾക്കൊപ്പം ചേർന്നേക്കാമെന്ന് കാനഡ പ്രധാനമന്ത്രി മാർക്ക് കാർണി

പശ്ചിമേഷ്യയിലെ അസ്ഥിരതയ്ക്കും ഭീകരവാദത്തിനും പ്രധാന കാരണം ഇറാനാണെന്ന് കാർണി കുറ്റപ്പെടുത്തി. ഇറാന്റെ മനുഷ്യാവകാശ ലംഘനങ്ങളെ വിമർശിച്ച അദ്ദേഹം, ആ രാജ്യം ഒരിക്കലും ആണവായുധം കൈക്കലാക്കാൻ അനുവദിക്കില്ലെന്നും വ്യക്തമാക്കി. ഇറാന്റെ ആണവ പദ്ധതികൾ അവസാനിപ്പിക്കാൻ അന്താരാഷ്ട്ര സമൂഹം ആവർത്തിച്ച് ആവശ്യപ്പെട്ടിട്ടുള്ളതാണെന്നും അദ്ദേഹം ഓർമ്മിപ്പിച്ചു.

ഓസ്‌ട്രേലിയൻ പ്രധാനമന്ത്രി ആന്തണി ആൽബനീസുമായി ക്യാൻബറയിൽ നടത്തിയ സംയുക്ത വാർത്താ സമ്മേളനത്തിലാണ് കാർണി നയം വ്യക്തമാക്കിയത്. പശ്ചിമേഷ്യയിലെ സംഘർഷം ലഘൂകരിക്കണമെന്ന് ഇരു നേതാക്കളും ആവശ്യപ്പെട്ടു. അതേസമയം, യുദ്ധം കൂടുതൽ മേഖലകളിലേക്ക് വ്യാപിക്കാൻ സാധ്യതയുണ്ടെന്നും അത്തരം സാഹചര്യത്തിൽ സഖ്യകക്ഷികളെ സഹായിക്കാൻ കാനഡ ബാധ്യസ്ഥമാണെന്നും കാർണി കൂട്ടിച്ചേർത്തു.

advertisement