മോസ്ക്കോയിലെ കോവിഡ് 19 ചികിത്സ ആശുപത്രിയിൽ തീപിടിത്തം; രോഗി മരിച്ചു

മരിച്ച രോഗിയുടെ മുറിയിലാണ് തീപിടിത്തമുണ്ടായത്. വടക്കുപടിഞ്ഞാറന്‍ മോസ്ക്കോയിലുള്ള ആശുപത്രിയില്‍ ശനിയാഴ്ചയായിരുന്നു സംഭവം.

തീപിടിത്തത്തെ തുടര്‍ന്നു മറ്റു രോഗികളെ ഇവിടെനിന്നും മറ്റൊരു ആശുപത്രിയിലേക്ക് മാറ്റിയതായി മോസ്ക്കോ മേയര്‍ അറിയിച്ചു. അപകടത്തിന്റെ കാരണം എന്താണെന്ന് അന്വേഷിക്കുമെന്നും മേയർ ട്വിറ്ററിലൂടെ അറിയിച്ചു.

കോവിഡ് 19 മൂലം 1800 മരണങ്ങളോളം റഷ്യയിൽ റിപ്പോര്‍ട്ട് ചെയ്തിട്ടുണ്ട്. റഷ്യയയിൽ റിപ്പോർട്ട് ചെയ്ത കോവിഡ് കേസുകളിലും മരണങ്ങളിലും പകുതിയിലേറെ മോസ്കോ നഗരത്തിലാണ്.