സൗദിയിൽ ജനവാസമേഖലയ്ക്ക് നേരെ ഇറാന്റെ മിസൈൽ ആക്രമണം; ഇന്ത്യക്കാരെല്ലാം സുരക്ഷിതരാണെന്ന് എംബസി

കഴിഞ്ഞ ദിവസം വൈകുന്നേരമാണ് ജനവാസമേഖലയിൽ മിസൈൽ ആക്രമണം നടന്നത്. സംഭവത്തിൽ ഇന്ത്യൻ എംബസി സൗദി അധികാരികളുമായി ബന്ധപ്പെടുകയും സ്ഥിതി​ഗതികൾ നിരീക്ഷിക്കുകയും ചെയ്തു. അൽ ഖർജിലെ കൗൺസിലർ വൈ സാബിർ കഴിഞ്ഞ ദിവസം അപകടം നടന്ന സ്ഥലം സന്ദർശിച്ചു. പരിക്കേറ്റ ഇന്ത്യൻ പൗരന്മാരെയും അദ്ദേഹം കണ്ടു. പരിക്കേറ്റവർ നിലവിൽ അൽ ഖർജിലെ സർക്കാർ ആശുപത്രിയിൽ ചികിത്സയിലാണ്.

ആക്രമണത്തിൽ രണ്ട് ബം​ഗ്ലാദേശ് പൗരന്മാർ കൊല്ലപ്പെട്ടതായി സ്ഥിരീകരിച്ചിട്ടുണ്ട്. പരിക്കേറ്റ ഇന്ത്യൻ പൗരനെയും തിരിച്ചറിഞ്ഞു. ആക്രമണത്തിൽ റെസിഡെൻഷ്യൽ കോമ്പൗണ്ടിനും കാര്യമായ നാശനഷ്ടങ്ങൾ സംഭവിച്ചു.

advertisement

വർദ്ധിച്ചുവരുന്ന സംഘർഷങ്ങൾ കണക്കിലെടുത്ത് സൗദി അറേബ്യയിലെ ഇന്ത്യൻ പൗരന്മാർ ജാ​ഗ്രത പാലിക്കണമെന്നും ഭരണകൂടം നൽ‌കിയിരിക്കുന്ന മാർ​ഗനിർദേശങ്ങൾ കർശനമായി അനുസരിക്കണമെന്നും ഇന്ത്യൻ എംബസി നിർദേശിച്ചിട്ടുണ്ട്.