'അവകാശങ്ങൾ അംഗീകരിക്കണം, നഷ്ടപരിഹാരം നൽകണം'; പശ്ചിമേഷ്യൻ യുദ്ധം അവസാനിപ്പിക്കാൻ 3 നിബന്ധനകൾ മുന്നോട്ടുവെച്ച് ഇറാൻ

ഇറാൻ്റെ നിബന്ധനകൾ:

അവകാശങ്ങളുടെ അംഗീകാരം: ഇറാൻ്റെ പരമാധികാരവും നിയമാനുസൃതമായ അവകാശങ്ങളും അന്താരാഷ്ട്ര സമൂഹം അംഗീകരിക്കുക.

യുദ്ധനഷ്ടപരിഹാരം: യുദ്ധത്തിലൂടെയുണ്ടായ നാശനഷ്ടങ്ങൾക്ക് കൃത്യമായ നഷ്ടപരിഹാരം നൽകുക.

സുരക്ഷാ ഉറപ്പുകൾ: ഭാവിയിൽ ഇറാനെതിരെ യാതൊരുവിധത്തിലുള്ള ആക്രമണങ്ങളും ഉണ്ടാകില്ലെന്ന് ഉറപ്പുവരുത്തുന്ന അന്താരാഷ്ട്ര സുരക്ഷാ ഗ്യാരണ്ടി നൽകുക.

റഷ്യൻ, പാകിസ്താൻ നേതാക്കളുമായി താൻ സംസാരിച്ചതായും മേഖലയിൽ സമാധാനം പുനഃസ്ഥാപിക്കാൻ ഇറാൻ പ്രതിജ്ഞാബദ്ധമാണെന്നും പെസെഷ്കിയാൻ എക്സിൽ കുറിച്ചു. "സയണിസ്റ്റ് ഭരണകൂടവും അമേരിക്കയും ചേർന്ന് ആളിക്കത്തിച്ച ഈ യുദ്ധം അവസാനിപ്പിക്കാനുള്ള ഏക വഴി ഇറാൻ മുന്നോട്ടുവെച്ച ഈ ആവശ്യങ്ങൾ അംഗീകരിക്കുക എന്നതാണ്," അദ്ദേഹം വ്യക്തമാക്കി. ഫെബ്രുവരി 28 നു ആരംഭിച്ച യുദ്ധം രണ്ടാഴ്ചയോട് അടുക്കുമ്പോൾ ഗൾഫ് മേഖല അതീവ ഗുരുതരമായ സാഹചര്യത്തിലൂടെയാണ് കടന്നുപോകുന്നത്. ഇറാൻ്റെ നിബന്ധനകളോട് അമേരിക്കയോ ഇസ്രായേലോ ഇതുവരെ ഔദ്യോഗികമായി പ്രതികരിച്ചിട്ടില്ല.

advertisement