ബെയ്‌റൂട്ടിൽ ഇസ്രായേൽ വ്യോമാക്രമണം; 4 മരണം, പത്തോളം പേർക്ക് പരിക്കേറ്റതായി ലബനൻ

പത്തോളം പേർക്ക് ആക്രമണത്തിൽ പരിക്കേറ്റതായി ലബനൻ ആരോഗ്യ മന്ത്രാലയം അറിയിച്ചു. തെക്കൻ ലബനനിൽ നിന്നും ബെയ്‌റൂട്ടിന്റെ പ്രാന്തപ്രദേശങ്ങളിൽ നിന്നും യുദ്ധത്തെത്തുടർന്ന് പലായനം ചെയ്ത കുടുംബങ്ങൾ അഭയം പ്രാപിച്ചിരുന്ന കെട്ടിടമാണിത്. ആക്രമണത്തിന് പിന്നാലെ കൂടുതൽ വ്യോമാക്രമണങ്ങൾ ഭയന്ന് ഹോട്ടലിൽ താമസിച്ചിരുന്നവർ കെട്ടിടം വിട്ടോടി. സംഭവത്തിൽ ഇസ്രായേൽ ഔദ്യോഗികമായി പ്രതികരിച്ചിട്ടില്ല.

തിങ്കളാഴ്ച ഹിസ്ബുള്ള ഇസ്രായേലിന് നേരെ റോക്കറ്റുകളും ഡ്രോണുകളും തൊടുത്തുവിട്ടതോടെയാണ് ലബനൻ ഈ വലിയ യുദ്ധത്തിന്റെ ഭാഗമായത്. ഇതിന് മറുപടിയായി തെക്കൻ, കിഴക്കൻ ലബനനിലും ബെയ്‌റൂട്ടിന് സമീപമുള്ള മേഖലകളിലും ഇസ്രായേൽ കനത്ത ആക്രമണമാണ് അഴിച്ചുവിടുന്നത്. നിലവിൽ പശ്ചിമേഷ്യയിൽ അമേരിക്ക-ഇസ്രായേൽ സഖ്യവും ഇറാൻ അനുകൂല ഗ്രൂപ്പുകളും തമ്മിലുള്ള പോരാട്ടം കൂടുതൽ രൂക്ഷമാകുകയാണ്.

advertisement