പാകിസ്ഥാനിൽ 80 ശതമാനം സ്വവർ​ഗാനുരാ​ഗികൾ; ബാക്കി ബൈസെക്ഷ്വൽ; വെളിപ്പെടുത്തലുമായി ട്രാൻസ്ജെൻഡർ

രാജ്യം ചർച്ച ചെയ്യാൻ മടിക്കുന്ന വിഷയമാണിത്. എന്നാൽ യഥാർത്ഥത്തിൽ സ്വവർഗാനുരാഗം പാകിസ്താനിൽ വ്യാപകമാണ്. തങ്ങളുടെ സ്വത്വം സമൂ​ഹത്തിന് മുന്നിൽ തുറന്നുസമ്മതിക്കാതെ എല്ലാവരും മറച്ചുവയ്ക്കുകയാണ്. അതാണ് പ്രധാന പ്രശ്നം. സ്വവർ​ഗാനുരാ​ഗം രാജ്യത്ത് വ്യാപകമാണെങ്കിലും മതപരവും സാമൂഹികപരവുമായ സമ്മർദ്ദം കാരണം തുറന്നുപറയാൻ എല്ലാവരും ഭയക്കുന്നു. പാക് സമൂഹത്തിലെ ലൈംഗികത ഒരു 'പരസ്യമായ രഹസ്യമാണെന്നും ഹിന വെളിപ്പെടുത്തി.

താൻ കറാച്ചിയിൽ വളർന്നുവന്ന സാഹചര്യങ്ങളെക്കുറിച്ചും ഹിന അഭിമുഖത്തിൽ തുറന്നുപറയുന്നുണ്ട്. ലൈംഗികതയേക്കാൾ തന്റെ സ്വത്വം പുറത്തുപറയുന്നതിലായിരുന്നു തനിക്ക് ആശങ്കയുണ്ടായിരുന്നത്. ലിപ്സ്റ്റിക് ഇടുമ്പോൾ വീട്ടുകാരിൽ നിന്ന് അടി കിട്ടുമോയെന്ന് പേടിച്ചിരുന്നു. സ്ത്രീകളെപ്പോലെ വസ്ത്രം ധരിക്കുകയും ആഭരണങ്ങൾ അണിയുകയും ചെയ്താലുണ്ടാകുന്ന പ്രശ്നങ്ങളെ കുറിച്ചും ടെൻഷനുണ്ടായിരുന്നെന്നും ഹിന തുറന്നുപറ‍ഞ്ഞു.

advertisement

പാകിസ്താൻ ഔദ്യോഗികമായി അംഗീകരിച്ചിട്ടുള്ള 'ക്വാജ സിറ' (Khawaja Sira) വിഭാഗത്തിൽപ്പെട്ടയാളാണ് ഹിനാ ബലോച്. ട്രാൻസ്ജെൻ‌‍ഡർ സമൂഹത്തിന്റെ അവകാശങ്ങൾക്ക് വേണ്ടി നിരവധി പ്രതിഷേധങ്ങളിൽ ​ഹിന പങ്കെടുത്തിട്ടുണ്ട്.