വെള്ളിയിൽ തീർത്ത ട്രെയിൻ, പ്രഥമ വനിതയ്ക്ക് പഷ്മിന ഷാൾ; ജോ ബൈഡനും ഭാര്യക്കും സമ്മാനങ്ങൾ നൽകി പ്രധാനമന്ത്രി

മഹാരാഷ്ട്രയിലെ കരകൗശലക്കാരാണ് പഴയ മാതൃകയിലുള്ള തീവണ്ടി നിർമിച്ചിരിക്കുന്നത്. തീവണ്ടിയുടെ ഒരു വശത്ത് ഡൽഹി-ഡെലവയർ എന്ന് രോഖപ്പെടുത്തിയിട്ടുണ്ട്. മറുവശത്തായി ഇന്ത്യൻ റെയിൽവേ എന്നും കൊത്തിവച്ചിട്ടുണ്ട്. 92.5 ശതമാനവും വെള്ളികൊണ്ട് നിർമിച്ചിട്ടുള്ളതാണ് ഈ ട്രെയിൻ.

പ്രഥമ വനിത ജിൽ ബൈഡന് ഒരു പേപ്പിയർ മാഷെ ബോക്സിലാണ് ഷാൾ സമ്മാനിച്ചത്. ജമ്മു കശ്മീരിന്റെ പ്രൗഢി വിളിച്ചോതുന്നതാണ് ഈ ഷാൾ. ക്വാഡ് നേതാക്കളുടെ യോഗത്തില്‍ പങ്കെടുക്കാന്‍ അമേരിക്കയിലെത്തിയ നരേന്ദ്ര മോദിക്ക്, തന്റെ ജന്മനഗരമായ ഡെലവയറിലെ വസതിയില്‍ ബൈഡന്‍ കഴിഞ്ഞ ദിവസം ആദിത്യം നൽകിയിരുന്നു.

advertisement

യുഎസിലേക്കുള്ള ത്രിദിന പര്യടനത്തിൻ്റെ ഭാഗമായി ഐക്യരാഷ്ട്രസഭയിലെ ഒരു പ്രധാന കോൺക്ലേവിനെ അഭിസംബോധന ചെയ്തിട്ടാണ് പ്രധാനമന്ത്രി ഇന്ത്യയിലേക്ക് മടങ്ങുന്നത്.