TRENDING:
മലയാളി ദമ്പതികളായ വെസ്ലി മാത്യൂസും സിനി മാത്യൂസും 2016-ല് ബിഹാറിലെ ഒരു അനാഥാലയത്തില് നിന്നാണ് ഷെറിനെ ദത്തെടുത്തത്. ഷെറിന് കൊല്ലപ്പെട്ട കേസില് വളര്ത്തമ്മ സിനി മാത്യൂസിനെ പതിനഞ്ച് മാസത്തിന് ശേഷം അടുത്തിടെ ജയിലില് നിന്ന് മോചിപ്പിച്ചിരുന്നു.
ഇതിനിടെ അബദ്ധത്തില് കുഞ്ഞിന് പരുക്കേറ്റതായി വെസ്ലി കോടതിയില് സമ്മതിച്ചിരുന്നു. കുറഞ്ഞ ശിക്ഷ ലഭിക്കാനാണ് കുറ്റം സമ്മതിച്ചത്. ദത്തെടുത്ത കുട്ടിയെ കൊല ചെയ്ത് ശരീരം ഡാലസിലെ കലുങ്കില് ഉപേക്ഷിച്ചെന്നാണ് കേസ്.
പാല് തൊണ്ടയില് കുടുങ്ങി ഷെറിന് മരിച്ചെന്നായിരുന്നു മാതാപിതാക്കളുടെ ആദ്യ മൊഴി. എന്നാല് പോസ്റ്റ്മോര്ട്ടം റിപ്പോര്ട്ടിൽ ഇതു കണ്ടെത്താനായില്ല. ഇതോടെയാണ് ഇരുവരെയും പൊലീസ് അറസ്റ്റ് ചെയ്തത്.
advertisement
ഷെറിന് മാത്യൂസിന്റെ മൃതദേഹം ലഭിക്കുമ്പോള് ആന്തരികാവയങ്ങളിലടക്കം പുഴുവരിച്ചു തുടങ്ങിയിരുന്നുവെന്ന് ഡോക്ടര്മാര് വെളിപ്പെടുത്തി. മൃതദേഹം ജീര്ണിച്ചിരുന്നതിനാല് മരണകാര്യം കൃത്യമായി കണ്ടെത്താന് കഴിഞ്ഞിരുന്നില്ലെന്നും ഷെറിന്റെ മൃതദേഹം പോസ്റ്റുമോർട്ടം ചെയ്ത ഫൊറന്സിക് പാത്തോളജിസ്റ്റ് എലിസബത്ത് വെന്ച്യൂറ കോടതിയില് മൊഴി നല്കിയിരുന്നു.
മൂന്ന് വയസുള്ള ഷെറിനെ വീട്ടില് ഒറ്റയ്ക്കാക്കിയ ശേഷം സ്വന്തം കുട്ടിയെയും കൊണ്ട് പുറത്ത് പോയെന്നായിരുന്നു ദമ്പതികളുടെ വാദം. കുട്ടിയില് ചില മാനസിക അസ്വാസ്ഥ്യത്തിന്റെ ലക്ഷണങ്ങള് കണ്ടതോടെ പ്രതികള്ക്ക് കുട്ടിയോട് നീരസമുണ്ടാവുകയും തുടര്ന്ന് കൊല്ലാന് തീരുമാനിക്കുകയായിരുന്നുന്നെന്നാണ് പൊലീസ് റിപ്പോര്ട്ട്.
Also Read ഷെറിൻ മാത്യൂസ് കൊലപാതകം: മലയാളി ദമ്പതികളുടേയും ബന്ധുക്കളുടേയും വിസ റദ്ദാക്കും
Click here to add News18 as your preferred news source on Google.