കാറുകൾ കൂട്ടിയിടിച്ച് യുഎസിൽ ഇന്ത്യൻ കുടുംബത്തിലെ മൂന്നുപേർക്ക് ദാരുണാന്ത്യം

അരവിന്ദും കുടുംബവും സഞ്ചരിച്ച കാർ 112 കിലോമീറ്റർ വേഗത്തിൽ ആയിരുന്നു. മകളെ കോളേജിലേക്ക് കൊണ്ടുപോകുന്ന വഴിക്കാണ് അപകടം ഉണ്ടാവുന്നത്. ദമ്പതികളുടെ മകൻ ആദിർയാൻ സംഭവ സമയത്ത് ഒപ്പം ഇല്ലായിരുന്നു. ഇവരുടെ വിയോഗത്തോടെ കുടുംബത്തിൽ ഇനി അവശേഷിക്കുന്നത് ആദിർയാൻ മാത്രമാണ്.

ഹൈസ്കൂൾ പഠനം പൂർത്തിയാക്കിയ ആൻഡ്രിയ ഡാലസ് സർവകലാശാലയിൽ കമ്പ്യൂട്ടർ സയൻസ് പഠനത്തിന് ചേരാനുള്ള തയ്യാറെടുപ്പിലായിരുന്നു. അതേസമയം എതിരെ വന്ന കാറിന്റെ ടയർ പൊട്ടിയതിനെ തുടർന്നാണ് അപകടമുണ്ടായതെന്നാണ് പോലീസ് നിരീക്ഷണം. നിയന്ത്രണം വിട്ടെത്തിയ വാഹനം അരവിന്ദിന്റെ കാറിലേക്ക് വന്ന് ഇടിക്കുകയായിരുന്നു.

advertisement