സ്ത്രീകളുടെ ലോകത്തിൽ സന്തോഷമായി കഴിയാൻ അനുഗ്രഹം നേടി ഭൂമിയിലേക്ക് വന്ന ഭാഗ്യവാൻ; കൃഷ്ണകുമാറിന്റെ കുറിപ്പ്

മലയാളികൾക്ക് ഏറെ ഇഷ്ടമുള്ള കുടുംബമാണ് നടനും ബിജെപി നേതാവുമായ കൃഷ്ണകുമാറിന്റേത്. ആദ്യകാലത്ത് മലയാളികൾക്ക് പരിചിതം കൃഷണകുമാറിനെ മാത്രമായിരുന്നെങ്കിൽ ഇന്ന് അദ്ദേഹത്തേക്കാൾ പരിചിതമാണ് ഭാര്യയേയും മക്കളേയും. ഒരുപക്ഷെ ഇന്ന് ആളുകൾ ഏറെ ശ്രദ്ധിക്കുന്നതും ചർച്ചചെയ്യുന്നതും അവരെക്കുറിച്ചാണെന്ന് പറയുന്നതിലും തെറ്റില്ല.

4 പെൺമക്കളും ഭാര്യയും അടങ്ങുന്ന ഒരു പെൺസംഘത്തിനൊപ്പമാണ് അദ്ദേഹത്തിന്റെ ജീവിതം. അതു 5 പേരും വ്യത്യസ്ഥ ശൈലിയും നിലപാടുമുള്ളവർ. സോഷ്യൽ മീഡിയയില്‌ സജീവമായ ഇവരെല്ലാവരും ഒരേ വീട്ടിൽ നിന്നു പോലും വ്യത്യസ്ഥ തരത്തിലുള്ള വീഡിയോകളുമായി എത്തുന്നത്.

ഇപ്പോഴിതാ തന്റെ വീട്ടിലെ സ്ത്രീകൾക്കൊപ്പമുള്ള ജീവിതത്തെക്കുറിച്ച് കൃഷ്ണകുമാർ എഴുതിയ കാര്യങ്ങളാണ് സോഷ്യൽ മീഡിയയിൽ ശ്രദ്ധനേടുന്നത്. മകൾ ഓസിയുടെ വളകാപ്പ് ചടങ്ങിന്റെ ചിത്രങ്ങൾ പങ്കുവെച്ചുകൊണ്ടാണ് അ​ദ്ദേഹം ഇക്കാര്യങ്ങൾ കുറിച്ചിരിക്കുന്നത്.

സ്ത്രീകളുടെ ലോകത്തിൽ സന്തോഷമായി കഴിയാൻ അനുഗ്രഹം നേടി ഭൂമിയിലേക്ക് വന്ന ഒരു ഭാഗ്യവാനായി എനിക്ക് തന്നെ കുറിച്ച് പലപ്പോഴും തോന്നിയിട്ടുണ്ടെന്ന് കൃഷ്മകുമാർ. സാധാരണ അച്ഛനാണ് പെണ്മക്കളുടെ ധൈര്യം, വഴികാട്ടി... എന്നൊക്കെ കേൾക്കാറുണ്ട്..

എന്നാൽ ഇവിടെ നേരെ തിരിച്ചാണ്.. മക്കളാണ് തന്റെ ധൈര്യം, ധനം, വഴികാട്ടിയെന്നും ഇന്ന് തന്റെ മേൽവിലാസം പോലും മാറിയെന്നും കൃഷ്ണകുമാർ കുറിച്ചു.

അവരുടെ അച്ഛൻ.. സിന്ധുവിന്റെ ഭർത്താവ്... സുഖമുള്ള മാറ്റം... അടുത്ത നൂറ്റാണ്ടു സ്ത്രീകൾക്കുള്ളതാണ്.. നന്മകൾ നേരുന്നു... എന്നാണ് കൃഷ്ണകുമാർ കുറിച്ചത്.