Optical Illusion | കരിയിലക്കൂട്ടത്തിൽ ഒരു പാമ്പ്; ചിത്രം ചികഞ്ഞു നോക്കിയിട്ടും ഉത്തരംമുട്ടി കാണികൾ

ഈ വനത്തിന്റെ അടിത്തട്ടിൽ ഇലകൾക്കിടയിൽ പതിയിരിക്കുന്ന മാരകമായ പാമ്പിനെ (snake) നിങ്ങൾക്ക് കാണാൻ കഴിയുമോ? കഴുകൻ കണ്ണുള്ളവർ എന്ന് പറഞ്ഞവർ പോലും ഈ ഒപ്റ്റിക്കൽ ഇല്ല്യൂഷൻ (optical illusion) ചിത്രത്തിന് മുന്നിൽ സുല്ലിട്ടുകഴിഞ്ഞു. റെഡ്ഡിറ്റ് ഉപയോക്താക്കൾ ഏതാണ്ട് അദൃശ്യമായ പാമ്പിനെ കണ്ടെത്താൻ പഠിച്ച പണി പതിനെട്ടും പയറ്റുകയാണ്

ഉണങ്ങിയ ഇലകൾ, വിറകുകൾ, പച്ച ചെടികളുടെ കഷ്ണങ്ങൾ എന്നിവയാൽ പൊതിഞ്ഞ ഒരു വനഭൂമിയാണ് ചിത്രത്തിൽ കാണിക്കുന്നത്, പക്ഷേ അതിനിടയിൽ ഒരു മാരകമായ സർപ്പം ഒളിച്ചിരിക്കുന്നു - നിങ്ങൾക്കത് കാണാൻ കഴിയുമോ? 'കാടിനുള്ളിൽ നിങ്ങൾ എടുക്കുന്ന ഓരോ ചുവടും ശ്രദ്ധിക്കേണ്ടിയിരിക്കുന്നു,' പോസ്റ്റിന്റെ രചയിതാവ് ഫോട്ടോയ്ക്ക് അടിക്കുറിപ്പ് നൽകിയതിങ്ങനെ. ശ്രമിച്ചുവെങ്കിലും കണ്ടെത്തിയില്ലെങ്കിൽ, ക്ലൂ ഇതാ പിടിച്ചോ (തുടർന്ന് വായിക്കുക)

ചിത്രം ഉപയോക്താക്കളുടെ തല പുണ്ണാക്കി എന്ന് പറയേണ്ടതില്ലല്ലോ. 'ഇത് കണ്ടെത്താൻ നിങ്ങൾ വാക്കിംഗ് സ്റ്റിക്കുകൾ ഉപയോഗിക്കണം,' ഒരു ഉപയോക്താവ് കമന്റ് ചെയ്തു

'ഇതുകൊണ്ടാണ് ഞാൻ അടഞ്ഞ ഷൂ ധരിക്കുന്നത്,' എന്നായി മറ്റൊരാൾ

കുറച്ചുകൂടി അടുത്ത് നോക്കുക. മധ്യഭാഗത്ത് മഞ്ഞ-പച്ച ഇലയുടെ ഇടതുവശത്ത് ഒരു S ആകൃതി കാണാം

വിഷമുള്ള കോപ്പർഹെഡ് പാമ്പിന് മുകളിൽ ഇളം തവിട്ട് നിറത്തിലുള്ള ത്രികോണ അടയാളങ്ങളുണ്ട്. മാത്രമല്ല ഇലകളാൽ പൂർണ്ണമായും മറഞ്ഞിരിക്കുന്നതുമാണ്. ഇനിയും കണ്ടെത്തിയില്ലെങ്കിൽ, ചുവടെയുള്ള ചിത്രം നോക്കുക

ചിത്രത്തിൽ അടയാളപ്പെടുത്തിയിരിക്കുന്നതാണ് പാമ്പ്. ഈ പ്രതിഭാസം 'ബ്രോക്കൺ സ്പെക്റ്റർ' എന്നറിയപ്പെടുന്ന ഒരു അപൂർവ ഒപ്റ്റിക്കൽ ഇല്ല്യൂഷൻ ആണ്