Aswathy Sreekanth | എളുപ്പം പണിയല്ല; ജോലി കഴിഞ്ഞ് മടങ്ങിവരുന്ന സമയം എത്രയെന്ന് അശ്വതി ശ്രീകാന്ത്

ജീവിതത്തിൽ ഏതെങ്കിലും ഒരു റോളിൽ മാത്രം വ്യാപൃതയല്ല അശ്വതി ശ്രീകാന്ത് (Aswathy Sreekanth). അഭിനയം, അവതരണം, യൂട്യൂബ്, കുടുംബം എന്നിങ്ങനെ നിരവധി മേഖലകളിൽ അശ്വതി ഒരേസമയം നിറസാന്നിധ്യമാണ്. ഇക്കാര്യം വിചാരിക്കും പോലെ എളുപ്പമല്ല എന്ന് അവർ സമ്മതിച്ചിട്ടുമുണ്ട്. വീട്ടിൽ വന്നാലും വിശ്രമം എന്നതിനേക്കാൾ രണ്ടു മക്കളുടെയും കാര്യങ്ങൾ നിർവഹിക്കേണ്ട ചുമതലയുണ്ട് അശ്വതിക്ക്

കഴിഞ്ഞ ദിവസം മൂത്തമകൾ പത്മ പകർത്തിയ ഒരു ചിത്രം അശ്വതി പോസ്റ്റ് ചെയ്തു. ചില ദിവസങ്ങളിൽ എഴുന്നേൽക്കുക തന്നെ ഒരു വലിയ വിജയമാണ് എന്നാണ് അശ്വതി ഈ ഫോട്ടോയുടെ ക്യാപ്‌ഷൻ ആരംഭിച്ചത്. ഒന്നിലേറെ ചുമതലകൾ കൈകാര്യം ചെയ്യുക എന്നത് ജീവിതത്തിൽ സംഭ്രമം ജനിപ്പിക്കുന്നതാണ് എന്ന് അശ്വതി (തുടർന്ന് വായിക്കുക)

കടുത്ത ജോലിത്തിരക്കുകളും വീട്ടിൽ മക്കളെ പരിപാലിക്കേണ്ടതിന്റെ ചുമതലയും ചേരുമ്പോൾ പല ദിവസങ്ങളിലും താൻ ക്ഷീണിതയാകും എന്ന് അശ്വതി. ഇത്രയും വെല്ലുവിളികളെ തരണം ചെയ്ത്, താനെന്നും ഉറക്കമുണർന്ന് ജീവിതത്തെ നേരിടും

ഒരിക്കലും പിന്മാറാതെ ഇതെല്ലാം കൈകാര്യം ചെയ്യുന്നതിൽ താൻ സ്വയം അഭിമാനിക്കുന്നു. ഇത് കരുത്തരായ മറ്റുള്ളവർക്ക് കൂടിയുള്ളതാണ് എന്ന് അശ്വതി

ഈ ജോലികൾക്കിടയിൽ അശ്വതി തന്റെ ആരാധകരുമായി ഇൻസ്റ്റഗ്രാമിൽ സംവദിക്കാറുണ്ട്. ഇക്കഴിഞ്ഞ ദിവസം താൻ 'മന്ദാകിനി' എന്ന സിനിമയുടെ ഭാഗമായി പ്രവർത്തിക്കുന്നു എന്ന് അശ്വതി പറഞ്ഞിരുന്നു. അതിന്റെ തിരക്കുകൾ ഒഴിഞ്ഞാൽ വീണ്ടും ചക്കപ്പഴത്തിലെ ആശയായി മടക്കം

പലരും സ്വപ്നം കാണുന്ന അഭിനയ മേഖലയിൽ എത്തിയെങ്കിലും ഈ ജോലി പുറത്തുനിന്നു കാണും പോലെ അത്ര എളുപ്പമല്ല എന്ന് അശ്വതിയുടെ പുതിയ സ്റ്റോറി കണ്ടാൽ മനസിലാകും. താൻ ജോലി കഴിഞ്ഞു മടങ്ങിയെത്തിയ സമയം എത്രയെന്ന് അശ്വതി പറഞ്ഞിട്ടുണ്ട്

മറ്റുപലരും ഉറക്കം ഉണരുന്ന സമയത്താണ് അശ്വതിയുടെ മടക്കം. മുഖത്ത് മേക്കപ്പിന്റെ തിളക്കമല്ല, ഉറക്കച്ചടവാണുള്ളത്. എന്നിട്ടും ഒരു പുഞ്ചിരി വിടർത്താൻ അശ്വതി നന്നായി ശ്രമിച്ചു

പുലർച്ചെ ആറ് മണിക്കാണ് അശ്വതി ജോലി കഴിഞ്ഞെത്തിയത്. അഭിനയം അത്ര എളുപ്പം പണിയല്ല എന്ന് അശ്വതിയുടെ ഈ പോസ്റ്റിൽ നിന്നും വ്യക്തം