ഈ രണ്ട് പയ്യൻമാരെ നിങ്ങൾക്ക് അറിയാമോ? രണ്ടുപേരും ഇന്ന് സിനിമാതാരങ്ങൾ

ഈ ചിത്രത്തിൽ കാണുന്ന രണ്ടു കുട്ടികളെ തിരിച്ചറിയാൻ നിങ്ങൾക്ക് കഴിയുമോ? രണ്ടുപേരും അടുത്ത ബന്ധുക്കളും ഇന്നത്തെ സിനിമാതാരങ്ങളുമാണ്. മലയാളത്തിലെ ഏറ്റവും വലിയ താരകുടുംബത്തിൽ നിന്നുള്ളവർ. ഇനിയും മനസിലാകുന്നല്ലെങ്കിൽ പറയാം, മമ്മൂട്ടിയെന്ന മഹാനടന്‍റെ പിൻമുറക്കാരാണിവർ.

ഒന്ന് സാക്ഷാൽ ദുൽഖർ സൽമാൻ. മറ്റൊന്ന് മമ്മൂട്ടിയുടെ സഹോദര പുത്രനും നടനുമായ മഖ്ബൂൽ സല്‍മാന്‍. ദുല്‍ഖറിന്റെ അനുജനാണ് മഖ്ബൂൽ സൽമാൻ.

ദുല്‍ഖറിന്റെയും മഖ്ബൂലിന്റെയും പേരിലെ 'സല്‍മാന്‍' മമ്മൂട്ടി ഇട്ടതാണെന്ന് മഖ്ബൂല്‍ നേരത്തെ ചില അഭിമുഖങ്ങളിൽ പറഞ്ഞിട്ടുണ്ട്.

ദുൽഖറും മഖ്ബൂലും തമ്മിൽ പേരിൽ മാത്രമല്ല, നിരവധി സാമ്യതകളുണ്ട്. ഇരുവരും ജനിച്ചത് ഒരേ ദിവസമാണ്. അതായത് ഒരേദിവസം പിറന്നാൾ ആഘോഷിക്കുന്നവരാണ് ദുൽഖറും മഖ്ബൂലും. ജൂലൈ 20നാണ് രണ്ടാളും ജനിച്ചത്.

അവിടംകൊണ്ടൊന്നും അവസാനിക്കുന്നതല്ല ദുൽഖറും മഖ്ബൂലും തമ്മിലുള്ള സാമ്യത. രണ്ടാളും സിനിമയിലേക്ക് വന്നതും ഒരേ വര്‍ഷമാണ്. അതായത്, 2012ൽ. ദുല്‍ഖറിന്റെ ആദ്യ സിനിമ സെക്കന്‍ഡ് ഷോ ആയിരുന്നു. മഖ്ബൂലിന്‍റെ ആദ്യ ചിത്രം മാറ്റിനി ആയിരുന്നു.

ടെലിവിഷൻ നടനും മമ്മൂട്ടിയുടെ സഹോദരനുമായ ഇബ്രാഹിംകുട്ടിയുടെ മകനാണ് മഖ്ബൂൽ സൽമാൻ. എ.കെ.സാജന്റെ അസുരവിത്ത് എന്ന സിനിമയിൽ ഒരു ചെറിയ വേഷം ചെയ്തുകൊണ്ടാണ് അഭിനയരംഗത്തേക്ക് എത്തിയത്. പിന്നീട് അനീഷ് ഉപാസന ആദ്യമായി സംവിധാനം ചെയ്ത മാറ്റിനിയിൽ പ്രധാന വേഷം ചെയ്യുകയായിരുന്നു.