'ഓസിയെക്കുറിച്ച് ഒന്നും പറയാനില്ലേ'...? മക്കളെക്കുറിച്ച് കൃഷ്ണകുമാർ പറഞ്ഞ കാര്യങ്ങൾ ചർച്ചയാകുന്നു

മലയാളികൾക്ക് ഏറെ സുപരിചിതമാണ് നടനും ബിജെപി പ്രവർത്തകനുമായ കൃഷ്ണകുമാറിന്റെ കുടുംബം. ഭാര്യ സിന്ധു കൃഷ്ണയ്ക്കും മക്കളായ അഹാന, ഇഷാനി, ഹൻസിക, ദിയ കൃഷ്ണ തുടങ്ങിവർക്കെല്ലാം തന്നെ സോഷ്യൽ മീഡിയയിൽ നിറയെ ആരാധകരുണ്ട്.

യൂട്യൂബ് കുടുംബം എന്നാണ് കൃഷ്ണ കുമാറിന്റെ കുടുംബത്തെ ആരാധകർ വിശേഷിപ്പിക്കുന്നത്. വീട്ടിലെ എല്ലാവർക്കും യൂട്യൂബ് ചാനൽ. എല്ലാവരും ഒരേ പോലെ സോഷ്യൽ മീഡിയയിൽ സജീവവും.

കഴിഞ്ഞ ദിവസം ഇൻസ്റ്റ്​ഗ്രാമിൽ തന്റെ പെൺമക്കളെക്കുറിച്ച് കൃഷ്ണകുമാർ പറഞ്ഞ കാര്യങ്ങളാണ് ഇപ്പോൾ സോഷ്യൽ മീഡിയയിൽ ചർച്ചയായിക്കൊണ്ടിരിക്കുന്നത്. ആദ്യം ഇളയമകളായ ഹൻസികയെക്കുറിച്ചാണ് കുറുപ്പ് പങ്കുവെച്ചത്.

അവളുടെ ആത്മാവ് എന്നേക്കാൾ ഈ ഭൂമിയിൽ സഞ്ചരിച്ച പോലെ. അനുഭവങ്ങൾ ഉള്ളതുപോലെ.. പക്വത അധികമുള്ള ഒരാളെ പോലെ.. തോന്നാറുണ്ടെന്നും, ​കുടുംബത്തിലെ 6 പേരിൽ ഏറ്റവും അധികം ക്ഷെമ ഉള്ള ആൾ എന്നൊക്കെയാണ് ഹൻസികയെക്കുറിച്ച് പറഞ്ഞത്.

നാല് മക്കളിൽ വ്യക്തതയും, ചിട്ടയും ഏറ്റവും കൂടുതലുള്ളവൾ. വിശ്വാസ്യതയുടെ പര്യായം. ഒരു കാര്യം ഏൽപ്പിച്ചാൽ അത് കൃത്യമായി ചെയ്തിരിക്കും. ഇതുവരെ കള്ളം പറഞ്ഞു കണ്ടിട്ടില്ല എന്നിങ്ങനെ പോകുന്നു ഇഷാനിയെക്കുറിച്ചുള്ള വാക്കുകൾ.

എന്നാൽ രണ്ടാമത്തെ മകളായ ദിയയെക്കുറിച്ച് ഓസിയും ഞാനും.. എന്ന കുഞ്ഞ് ക്യാപ്ഷനിൽ ഒതുക്കിയതാണ് ഇപ്പോൾ ചർച്ചയാകുന്നത്. ഓസിയെ പറ്റി എന്താ മറ്റുള്ളവരെക്കുറിച്ച് പറഞ്ഞതുപോലെ ഒന്നും പറയാത്തത്?, അച്ഛന്റെ സംസാരവും ​ഗുണവും ഒക്കെ കൂടുതൽ കിട്ടിയത് ഓസിക്കാണ് എന്നിങ്ങനെ പോകുന്നു ചർച്ചകൾ.

എന്നാൽ ഓസിയെ പറ്റി എഴുതാൻ തുടങ്ങിയാൽ ഇന്നൊന്നും തീരില്ല എന്നാണ് ഈ ചർച്ചകൾക്ക് മറുപടിയായി കൃഷ്ണകുമാർ പറഞ്ഞത്. അതേസമയം മൂത്ത മകളായ അഹാനയെക്കുറിച്ച് ഒന്നും പറയാനില്ലെ എന്നും ആരാധകർ ചോദിക്കുന്നു.