പ്രായത്തോട് പോകാൻ പറ; സ്‌പെയിനിൽ അവധിയാഘോഷവുമായി താരമാതാവും മുൻകാല താരറാണിയും, പരിചയപ്പെടുത്തൽ വേണ്ടല്ലോ അല്ലേ

മലയാള ചലച്ചിത്ര ആരാധകർക്ക് എക്കാലവും ഒരു പ്രത്യേകതയുണ്ടാകും. ഒരുകാലത്ത് അവർ ഏറെ ആരാധിച്ചിരുന്ന താരങ്ങൾ പിന്നീട് സിനിമ വിട്ടാലും, എത്ര വർഷം കഴിഞ്ഞും അവർക്ക് മനസ്സിൽ ഒരു ഇടം ഉണ്ടാകും. അതാണ് ഈ താരത്തിന്റെയും പ്രത്യേകത. അവസാനമായി ഒരു മലയാള സിനിമ പുറത്തിറങ്ങിയിട്ട് 32 വർഷങ്ങൾ പിന്നിട്ടെങ്കിലും ഇന്നും മലയാളികളുടെ ഇടം നെഞ്ചിൽ തങ്ങിനിൽക്കുന്ന ഒരാളാണ് ഈ വെക്കേഷൻ ചിത്രത്തിൽ. ആളെ പരിചയപ്പെടുത്തേണ്ട ആവശ്യം തന്നെയില്ല എന്ന് വ്യക്തം

സ്ഥലം സ്‌പെയിനിലെ ഗുഗ്ഗൻഹൈം മ്യൂസിയം, ബിൽബാവോ എന്ന് ക്യാപ്‌ഷനിൽ പറഞ്ഞിട്ടുണ്ട്. പ്രധാനമായും ആർട്ട് വർക്കുകൾക്കായി 1997 മുതൽ പ്രവർത്തിക്കുന്ന മ്യൂസിയം ആണിത്. സ്‌പെയിനിലെ ബിൽബാവോ എന്ന സ്ഥലത്തായി സ്ഥിതി ചെയ്യുന്നു. ഇവിടേയ്ക്കാണ് ഈ യാത്രയും, അതിൽ നിന്നുള്ള ചിത്രങ്ങളും (തുടർന്ന് വായിക്കുക)

യൂത്ത് ഐക്കൺ കല്യാണി പ്രിയദർശന്റെ അമ്മയും ഒരുകാലത്ത് മലയാള സിനിമയുടെ പകരംവയ്ക്കാനില്ലാത്ത താരറാണിയുമായിരുന്ന ലിസി ലക്ഷ്മിയുടെ ലോകയാത്രാ കാഴ്ചകളാണിത്. മലയാള സിനിമയെ സംബന്ധിച്ച് കൂടുതലായും യുവതാരങ്ങളാണ് ഇത്തരത്തിൽ ലോകം ചുറ്റിക്കറങ്ങുന്നതിൽ തല്പരർ

എന്നാൽ അവർക്ക് മുന്നിലേക്ക് പ്രായത്തോട് പോയി പണിനോക്കാൻ പറ എന്ന മട്ടിൽ, ലുക്കിന്റെ കാര്യത്തിലും തീർത്തും കോംപ്രമൈസ് ചെയ്യാതെ അടിച്ചുപൊളിക്കുകയാണ് ലിസി. വിവാഹം കഴിഞ്ഞതില്പിന്നെ ലിസിയെ മലയാള സിനിമയിൽ കണ്ടിരുന്നില്ല

ഇന്നും തന്റെ പഴയകാല കൂട്ടുകാരുമായി അടുപ്പം സൂക്ഷിക്കുന്ന ആളാണ് ലിസി. 80s താരങ്ങളുടെ കൂടിക്കാഴ്ചയ്ക്ക് ഇപ്പോഴും വേദിയൊരുക്കുന്നയാളാണ് ലിസി. അവർ മുൻകൈ എടുത്താണ് താരങ്ങളുടെ പുനഃസമാഗമം എല്ലാ വർഷവും മുടങ്ങാതെ നടന്നു പോരുന്നതും. ഇതിലെ താരസാന്നിധ്യം എപ്പോഴും വാർത്തകളിൽ ഇടം നേടാറുണ്ട്

നടി സുമലത അംബരീഷിന്റെ മകന്റെ വിവാഹത്തിൽ പങ്കെടുത്ത ലിസിയുടെയും കൂട്ടുകാരികളുടെയും ചിത്രങ്ങൾ വൈറലായി മാറിയിരുന്നു

ഈ വർഷം ഫെബ്രുവരിയിൽ ലിസിയുടെയും പ്രിയദർശന്റെയും മകൻ സിദ്ധാർഥ് പ്രിയദർശന്റെ വിവാഹം നടന്നിരുന്നു. ചെന്നൈയിലെ പുതിയ ഫ്ലാറ്റിൽ വളരെ വേണ്ടപ്പെട്ടവർ മാത്രം പങ്കെടുത്ത ചടങ്ങിലായിരുന്നു വിവാഹം