Malavika Krishnadas | ഇത് റിയാലിറ്റി ഷോയിൽ തുടങ്ങിയ പ്രണയമല്ല; മാളവിക കൃഷ്ണദാസ്, തേജസ് വിവാഹചിത്രങ്ങൾ

അഭിനേത്രിയും, റിയാലിറ്റി ഷോ താരവും, നർത്തകിയും, സോഷ്യൽ മീഡിയ ഇൻഫ്ലുവെൻസറുമായ മാളവിക കൃഷ്ണദാസും (Malavika Krishnadas), തേജസും വിവാഹിതരായി. കഴിഞ്ഞ ദിവസം കൊച്ചി എളമക്കരയിൽ വച്ചായിരുന്നു വിവാഹം. ഇരുവരും 'നായികാ നായകൻ' റിയാലിറ്റി ഷോയിൽ മത്സരാർത്ഥികളായിരുന്നു. സംവിധായകൻ ലാൽ ജോസും, അവതാരകയും നടിയുമായ അശ്വതി ശ്രീകാന്തും ഉൾപ്പെടെ നിരവധിപ്പേർ വിവാഹത്തിൽ പങ്കെടുത്തു (ചിത്രങ്ങൾ: instagram.com/lightsoncreations/)

തേജസ് മർച്ചന്റ് നേവിയിൽ എഞ്ചിനീയർ ആണ്. വിവാഹശേഷം വധൂവരന്മാർ മാധ്യമങ്ങൾക്കു മുൻപിൽ സംസാരിച്ചിരുന്നു. പ്രണയ വിവാഹമായിരുന്നോ എന്നായിരുന്നു പ്രധാന ചോദ്യം (തുടർന്ന് വായിക്കുക)

പ്രണയ വിവാഹമല്ല, തീർത്തും അറേൻജ്‌ഡ്‌ മാര്യേജ് ആണ് എന്നായിരുന്നു മാളവികയുടെ പ്രതികരണം. ഇവർ തമ്മിൽ റിയാലിറ്റി ഷോയിൽ വച്ചുള്ള പരിചയം ഉണ്ടെന്ന് മാത്രമേയുള്ളൂ എന്നും മാളവിക. അന്നും തേജസുമായുള്ള കോമ്പിനേഷനിൽ പലപ്പോഴും താൻ വഴക്കിട്ടിരുന്നു എന്ന് മാളവിക പറഞ്ഞിരുന്നു

ശേഷം തേജസിന് വിവാഹാലോചനകൾ നടക്കുന്ന സമയം മാളവികയുമായുള്ള ആലോചന ചിലർ നിർദേശിച്ചിരുന്നു. അങ്ങനെയാണ് ആ പരിചയം വിവാഹത്തിൽ എത്തിയത്

'തട്ടിൻപുറത്ത് അച്യുതൻ' എന്ന കുഞ്ചാക്കോ ബോബൻ ചിത്രത്തിൽ മാളവികയും തേജസും അഭിനയിച്ചിരുന്നു. 'നായികാ നായകൻ' റിയാലിറ്റി ഷോയിലെ മത്സരാർത്ഥികൾ വേഷമിട്ട ചിത്രമായിരുന്നു ഇത്

വിവാഹത്തിന് സ്വർണം വാങ്ങുന്നതും, തയാറെടുപ്പുകൾ നടത്തുന്നതും മാളവിക തന്റെ യൂട്യൂബ് ചാനലിലൂടെ പ്രേക്ഷകരുമായി പങ്കിട്ടിരുന്നു

ഇൻസ്റ്റാഗ്രാം പേജിലും മാളവികയുടെ വിശേഷങ്ങൾ അറിയാം. വളരെ രസകരമായ പ്രീ-വെഡിങ് ഷൂട്ടും ഇവർ നടത്തിയിരുന്നു

മാളവികയുടെ ഡാൻസ് റീൽസ് എങ്ങും തരംഗമാവാറുണ്ട്. തനിച്ചും കോമ്പിനേഷനായും മാളവിക നൃത്തം അവതരിപ്പിക്കാറുണ്ട്

ഇനി തേജസുമായുള്ള പോസ്റ്റുകൾ വരും ദിവസങ്ങളിൽ പ്രതീക്ഷിക്കാമോ എന്ന് വിവാഹ ശേഷം ദമ്പതികളെ വളഞ്ഞ സമൂഹ മാധ്യമങ്ങളുടെ പ്രതിനിധികൾ ചോദിച്ചിരുന്നു

വിവാഹശേഷം മാളവിക കൃഷ്ണദാസും തേജസും