HBD Mammootty | തീയല്ലണ്ണാ, ഇത് ഐറ്റം കാട്ടുതീ; ബസൂക്കയിലെ മമ്മൂട്ടിയുടെ സ്റ്റിൽസ് പുറത്ത്

Mammootty in Bazooka | ന്യൂ ഡൽഹിയും, പൊന്തന്മാടയും, മൃഗയയും ഒക്കെ കാട്ടി ഞെട്ടിച്ച മമ്മൂട്ടി (Mammootty) ഓരോ വർഷം കഴിയും തോറും തന്നെ തന്നെ പുനർനിർവചിക്കുന്ന തിരക്കിലാണ്. പ്രായം പറയുന്ന കാര്യം അദ്ദേഹത്തിന് അത്ര ഇഷ്‌ടമല്ല എങ്കിലും, പറയാതെ കഴിയില്ല. കാരണം ആ പ്രായവും ലുക്കുമായി യാതൊരു ബന്ധവും ഉണ്ടാവില്ലെന്നത് തന്നെ സംഗതി. അത് തന്നെയല്ലേ ഈ കാണുന്നതും

ഇനിയും എന്താണ് അണിയറയിൽ ഒരുങ്ങുന്നത് എന്നുറപ്പില്ലാത്ത ബസൂക്ക എന്ന ചിത്രത്തിൽ നിന്നുള്ള മമ്മൂട്ടിയുടെ ലുക്കാണ് ഈ ചിത്രങ്ങളിൽ. ഫാൻസ്‌ പേജിലൂടെയാണ് മമ്മൂട്ടിയുടെ തീപാറുന്ന ലുക്ക് പുറത്തുവന്നത്. നവാഗതനായ ഡീനോ ഡെന്നിസാണ് ഈ ചിത്രത്തിന്റെ സംവിധായകൻ (തുടർന്ന് വായിക്കുക)

നേരത്തെ ചിത്രത്തിൽ നിന്നുള്ള ഒരു ചിത്രം ഫസ്റ്റ് ലുക്ക് പോസ്റ്ററിൽ ഉൾപ്പെടുത്തി പുറത്തുവിട്ടിരുന്നു. ഷീറ്റ് കൊണ്ട് മൂടിയിട്ടിരിക്കുന്ന ഒരു ബൈക്കിൽ നിന്നും മൂടുപടം വലിച്ചു മാറ്റുന്ന മമ്മൂട്ടി ആയിരുന്നു അതിൽ. ഒന്നിലേറെ ഗെറ്റപ്പുകൾ അദ്ദേഹത്തിനുണ്ട് എന്നാണ് വിവരം

ഗൗതം വാസുദേവ് മേനോൻ, സിദ്ധാർഥ് ഭരതൻ, ഷൈൻ ടോം ചാക്കോ, വി.കെ. പ്രകാശ്, വസിഷ്ട് ഉമേഷ്, ഭാമ അരുൺ തുടങ്ങിയവരാണ് സിനിമയിലെ മറ്റു പ്രധാന കഥാപാത്രങ്ങളെ അവതരിപ്പിക്കുക

തിയേറ്റർ ഓഫ് ഡ്രീംസ്, യൂഡ്‌ലി ഫിലിംസ് എന്നിവയുടെ സംയുക്ത നിർമാണ സംരംഭമായ ചിത്രത്തിന്റെ ക്യാമറ നിമിഷ് രവിയും സംഗീതം മിഥുൻ മുകുന്ദനും നിർവഹിക്കുന്നു

ഓരോ ചിത്രം കഴിയുന്തോറും ദുൽഖറിനേക്കാൾ സ്റ്റൈലിഷ് ആവുന്നില്ലേ മമ്മുക്ക എന്ന് തോന്നിപ്പോകും. ഇനി അടുത്തതായി കാതൽ, കണ്ണൂർ സ്‌ക്വാഡ്, ഭ്രമയുഗം തുടങ്ങിയ സിനിമകളാണ് റിലീസ് ചെയ്യുക