'സുന്ദരീ' എന്ന് വിളിക്കപ്പെടുന്ന മകളുടെ അച്ഛനും അമ്മയും; പഴയകാല ചിത്രത്തിലെ ദമ്പതികൾ ഇവർ

വർഷങ്ങളായി എല്ലാപേരും സുന്ദരീ എന്ന് വിളിക്കുന്ന മകളുടെ മാതാപിതാക്കളാണ് ഈ ചിത്രത്തിൽ. അവരുടെ വിവാഹവാര്ഷികത്തിൽ മകൾ പോസ്റ്റ് ചെയ്ത ചിത്രമാണ് നിങ്ങൾക്ക് മുന്നിൽ. എന്നാൽ ഈ വാർഷിക ദിനത്തിൽ ഇവരിൽ ഒരാൾ മാത്രമാണുള്ളത്. മറ്റെയാൾ ഇല്ലാതെയാണ് കഴിഞ്ഞ ആറു വർഷങ്ങളായി ഇവരുടെ ആ സ്‌പെഷൽ ദിനം

ഒരു മകനും മകളുമാണ് ദമ്പതികൾക്ക്. അമ്മയെ ദൊഡ്ഡ എന്നും അച്ഛനെ അജ്‌ജാ എന്നുമാണ് മകൾ വിളിക്കുന്നത്. അവരുടെ വിവാഹവാർഷികത്തിന് സ്നേഹവും പ്രാർത്ഥനയും നേരുകയാണ് മകൾ. അമ്മയുടെ മുഖത്തേക്ക് നോക്കിയാൽ ഈ മകൾ ആരെന്ന് മനസിലാകും (തുടർന്ന് വായിക്കുക)

ഒരു പെൺകുട്ടി നന്നായി അണിഞ്ഞൊരുങ്ങിയാൽ, 'നീയാര് ഐശ്വര്യ റായിയോ' എന്ന് പലരും ഒരൽപം അസൂയയോടെ ചോദിയ്ക്കാൻ തുടങ്ങിയിട്ട് കാലമേറെയായി. അതിനു കാരണക്കാരിയായ സാക്ഷാൽ ഐശ്വര്യ റായിയുടെ അച്ഛനും അമ്മയുമാണ് ചിത്രത്തിൽ

കൃഷ്ണരാജ് റായ്, ബ്രിന്ദ റായ് ദമ്പതികളുടെ മകളാണ് ഐശ്വര്യ റായ്. 2017ൽ ഐശ്വര്യ റായിയുടെ പിതാവ് അന്തരിച്ചു. കുറച്ചു ആഴ്ചകൾക്ക് മുൻപ് പിതാവിന്റെ ജന്മവാർഷികത്തിൽ അദ്ദേഹം കൊച്ചുമകൾ ആരാധ്യക്കൊപ്പം ഇരിക്കുന്ന ഒരു ചിത്രം ഐശ്വര്യ പോസ്റ്റ് ചെയ്തിരുന്നു

ഐശ്വര്യയുടെ ജീവിത വിജയങ്ങളിൽ അമ്മ ബ്രിന്ദ റായ് വലിയ പങ്ക് വഹിച്ചിരുന്നു. മകളുടെ ഒപ്പം നിഴൽപോലെ നടന്ന ആളാണ് ബ്രിന്ദ റായ്. അതുപോലെയാണ് മകൾ ആരാധ്യ ബച്ചന് ഐശ്വര്യ റായ്. ഇന്നും എവിടെപ്പോയാലും മകളുടെ കൈപിടിച്ച് നടക്കുന്ന അമ്മയാണ് ഐശ്വര്യ

കുറച്ചു ദിവസങ്ങൾക്ക് മുൻപ് ആരാധ്യ സ്കൂൾ ആനുവൽ ദിനത്തിൽ ഒരു നാടകം അവതരിപ്പിച്ച് കയ്യടി നേടിയിരുന്നു. ഇത് കാണാൻ ഐശ്വര്യയും അമ്മയും മുഴുവൻ ബച്ചൻ കുടുംബവും പോയിരുന്നു. ആരാധ്യയുടെ പ്രകടനം വീഡിയോ രൂപത്തിൽ സോഷ്യൽ മീഡിയയിലുമെത്തി

ആരാധ്യ അവതരിപ്പിച്ച പരിപാടിയിൽ നിന്നും. കാണികളുടെ ഇടയിൽ ഇരുന്ന് ഐശ്വര്യ റായ് ദൃശ്യങ്ങൾ ഫോണിൽ പകർത്തുന്നുണ്ടായിരുന്നു