ദിലീപ് ചിത്രത്തിലെ വില്ലൻ; തന്നെക്കാൾ 18 വയസ് കൂടിയ നടനൊപ്പം ലിവിങ് ടുഗെദർ നയിക്കുന്ന നടി

മുഗ്ധ ഗോഡ്‌സെ (Mugdha Godse) എന്ന് പറഞ്ഞാൽ ഇന്നത്തെ തലമുറയിലെ ബോളിവുഡ് ആരാധകർ അറിയണമെന്നില്ല. 2008ലെ 'ഫാഷൻ' എന്ന ചിത്രത്തിൽ പ്രിയങ്ക ചോപ്ര, കങ്കണ റണൗത്ത് എന്നിവർക്കൊപ്പം അരങ്ങേറ്റം കുറിച്ച നടിയാണവർ. 2015 മുതൽ അവർ ഒരു സിനിമയിൽപ്പോലും അഭിനയിച്ചിരുന്നില്ല. എന്നാൽ, വ്യക്തിജീവിതത്തിന്റെ പേരിൽ അവർ വാർത്തകളിൽ നിറയാതെയുമിരുന്നില്ല. വളരെ വർഷങ്ങളായി നടൻ ദിലീപിന്റെ സിനിമയിലൂടെ മലയാളികൾക്കും സുപരിചിതനായ നടന്റെ ഒപ്പം ലിവിങ് ടുഗെദർ നയിച്ച് വരികയാണ് താരം. ഇന്ന് മുദ്‌ഗയുടെ 39-ാം ജന്മദിനം. ട്വിസ്റ്റുകൾ നിറഞ്ഞ അവരുടെ ജീവിതത്തിലേക്ക്

'ശൃംഗാരവേലൻ' എന്ന ദിലീപ് സിനിമയിലെ തോക്കുധാരിയായ വില്ലനായാണ് രാഹുൽ ദേവിനെ മലയാളി പ്രേക്ഷകർ ഓർക്കുക. 2009ൽ രാഹുലിന്റെ ഭാര്യ റീന അന്തരിച്ചു. മകൻ സിദ്ധാർത്ഥിനെ രാഹുൽ തനിയെ വളർത്തി വരികയായിരുന്നു. അദ്ദേഹത്തിന്റെ ജീവിതത്തിലേക്ക് മുഗ്ധ ഗോഡ്‌സെ കടന്നുവരികയായിരുന്നു (തുടർന്ന് വായിക്കുക)

ജന്മദിനം ആഘോഷിക്കുന്ന മുഗ്ധ, ഫാഷൻ (2008), ഹീറോയിൻ (2012) തുടങ്ങിയ സിനിമകളിൽ അഭിനയിച്ചു കഴിഞ്ഞു. മിസ് ഇന്ത്യ ഫാഷൻ മത്സരത്തിലെ മത്സരാർഥികളിൽ ഒരാളും, സെമി ഫൈനലിസ്റ്റുമായിരുന്നു മുഗ്ധ ഗോഡ്സെ

മഹാരാഷ്ട്രയിലെ പൂനെയിൽ 1986 ജൂലൈ 26നായിരുന്നു മുഗ്ധ ഗോഡ്‌സെയുടെ ജനനം. ചുരുങ്ങിയ സിനിമകൾ കൊണ്ട്, ഹിന്ദി ചലച്ചിത്ര മേഖലയിലെ സാന്നിധ്യമായി മാറി അവർ. മോഡലായി കരിയർ ആരംഭിച്ച മുഗ്ധ, 2002ലെ മിസ് ഗ്ലാഡ്രഗ്‌സ്‌ മെഗാ മോഡൽ പട്ടം കരസ്ഥമാക്കി. ഇത് ഗ്ളാമർ ലോകത്തേക്കുള്ള വാതിൽ മുഗധ്യ്ക്ക് മുന്നിൽ തുറന്നു നൽകി

2004ലെ മിസ് ഇന്ത്യ മത്സരത്തിലെ സെമി-ഫൈനലിൽ മുഗ്ധ മത്സരാർത്ഥിയായി. പ്രിയങ്ക ചോപ്രയുടെ കൂടെ അവർ അഭിയനയിച്ച 2008ലെ മധുർ ഭണ്ഡാർക്കർ ചിത്രം 'ഫാഷൻ' അവരെ ബോളിവുഡിലെത്തിച്ചു. ആത്മവിശ്വാസം തുളുമ്പുന്ന, സ്വപ്‌നങ്ങൾ മനസ്സിൽ സൂക്ഷിക്കുന്ന മോഡലിന്റെ വേഷം പ്രേക്ഷകരുടെയും നിരൂപകരുടെയും പ്രശംസ ഒരുപോലെ നേടിയെടുത്തു

പിന്നീട് ഓൾ ദി ബെസ്റ്റ് (2009), ജയിൽ (2009), ഹീറോയിൻ (2012), ബേസുബാൻ ഇഷ്‌ക് (2015) തുടങ്ങിയ സിനിമകളിൽ അവർ അഭിനയിച്ചു. മുഗ്ധ ഗോഡ്‌സെയുടെ എല്ലാ ചിത്രങ്ങളും ബോക്സ് ഓഫീസ് വിജയങ്ങളായി മാറിയില്ല എങ്കിലും, അവരുടെ സ്ക്രീൻ സാന്നിധ്യം പ്രശംസ നേടി

സിനിമയിൽ നിന്നും അപ്രത്യക്ഷയായി എങ്കിലും, മുഗ്ധയും രാഹുൽ ദേവും തമ്മിലെ ബന്ധം പരസ്യമാണ്. പ്രത്യേകിച്ചും ഇരുവരും തമ്മിലെ പ്രായവ്യത്യാസം കണക്കിലെടുക്കുമ്പോൾ. ഡൽഹിയിൽ ജനിച്ചുവളർന്ന രാഹുൽ ദേവിന് പ്രായം 56 വയസ്സാണ്. ജലന്ധറിൽ വേരുള്ള പഞ്ചാബി കുടുംബത്തിലെ അംഗമാണ് അദ്ദേഹം. അടുത്തിടെ അന്തരിച്ച നടൻ മുകുൾ ദേവിന്റെ സഹോദരനാണ് രാഹുൽ

ഇടയ്ക്കിടെയുള്ള സ്ക്രീൻ സാന്നിധ്യത്താലും, ജീവിതത്തിൽ അവരൊന്നിച്ചുള്ള നിമിഷങ്ങളാലും രാഹുൽ ദേവും മുഗ്ധ ഗോഡ്‌സെയും അവരുടെ ബന്ധത്തെക്കുറിച്ച് വാചാലമാവാറുണ്ട്

അഭിനയത്തിനും മോഡലിംഗിനും പുറമേ, മുഗ്ധ ഒരു ഫിറ്റ്നസ് പ്രേമി കൂടിയാണ്. ഇടയ്ക്കിടെ അവർ തന്റെ വർക്ക്ഔട്ടിന്റെയും ജീവിത രീതികളുടെയും ഒരു കാഴ്ചയെങ്കിലും സോഷ്യൽ മീഡിയയിലൂടെ പങ്കിടാറുണ്ട്