നാഗ ചൈതന്യയുടേയും ശോഭിത ധൂലിപാലയുടേയും രാജകീയ വിവാഹവേദി ഇതോ? 2025 ഓടെ ഇരുവരും ഒന്നാകുമെന്ന് സൂചന

തെന്നിന്ത്യൻ താരങ്ങളായ നാഗ ചൈതന്യയും ശോഭിത ധൂലിപാലയും വിവാഹിതരാകാൻ ഒരുങ്ങുകയാണ്. ഓഗസ്റ്റ് എട്ടിനായിരുന്നു ഇരുവരുടേയും വിവാഹനിശ്ചയം.

ഇരുവരും തമ്മിൽ ‍ഡേറ്റിങ്ങിലാണെന്നുളള തരത്തിൽ വാർത്തകൾ കുറേനാളുകളായി നിലനിൽക്കുന്നുണ്ടായിരുന്നുവെങ്കിലും ഒരു സുപ്രഭാതത്തിൽ താരങ്ങളു‍ടെ വിവാഹനിശ്ചയം കഴിഞ്ഞുവെന്ന വാർത്ത ആരാധകരേയും പാപ്പരാസികളേയും ഒരുപോലെ ഞെട്ടിച്ചു.

നാഗ ചൈതന്യയുടേയും ശോഭിത ധൂലിപാലയുടേയും വിവാഹനിശ്ചയ ചിത്രങ്ങളെല്ലാം സോഷ്യൽമീഡിയയിൽ വൈറലാണ്. ഇപ്പോഴിതാ താരങ്ങളുടെ വിവാഹം 2025 ഓടെ ഉണ്ടാകുമെന്നാണ് സൂചന.

നാഗ ചൈതന്യയുടേയും ശോഭിത ധൂലിപാലയുടേയും രാജകീയ വിവാഹത്തിനായ തിരഞ്ഞെടുത്തത് രാജസ്ഥാനാണെന്നും അഭ്യൂഹങ്ങൾ. അതേസമയം തന്നെ ഏതെങ്കിലും വിദേശരാജ്യം തിരഞ്ഞെടുത്തേക്കുമെന്നും വാർത്തകൾ പരക്കുന്നുണ്ട്.

വിവാഹനിശ്ചയത്തിന് പിന്നാലെ വലിയ തരത്തിലുള്ള സൈബർ ആക്രമണങ്ങളാണ് നാഗ ചൈതന്യയും ശോഭിത ധൂലിപാലയും നേരിടുന്നത്. സമാന്തയെ പിരിഞ്ഞ് ശോഭതയെ വിവിഹം കഴിക്കാനുള്ള നാ​ഗ ചൈതന്യയുടെ തീരുമാനം രൂക്ഷമായ വിമർശനങ്ങളാണ് നേരിടുന്നത്.

അതേസമയം തന്നെ ശോഭിത സമാന്തയുടെ ജീവിതം തകർത്തുവെന്ന തരത്തിലും വിമർശനങ്ങൾ. അതിനിടയിലും ഇരുവരുടേയും ഒന്നിക്കാനുള്ള തീരുമാനത്തെ പോസിറ്റീവ് ആയി കാണുന്നവരും ഉണ്ട്.