'മന്സൂര് അലിഖാന് ഇനിയും സിനിമകള് കിട്ടും, ഈ ആണുങ്ങള് ഒരിക്കലും മാറില്ല'; ചിന്മയി ശ്രീപാദ
- Published by:Arun krishna
- news18-malayalam
Last Updated:
സിനിമ മേഖലയില് സ്ത്രീകള് നേരിടുന്ന മോശം സാഹചര്യങ്ങളെ കുറിച്ച് നിരന്തരം വിമര്ശിക്കുന്നയാള് കൂടിയാണ് ചിന്മയി.
advertisement
1/11

നടി തൃഷ കൃഷ്ണനെതിരെ മന്സൂര് അലിഖാന് നടത്തിയ മോശം പരാമര്ശത്തിനെതിരെ പ്രതിഷേധവുമായി ഗായികയും ഡബ്ബിങ് ആര്ട്ടിസ്റ്റുമായ ചിന്മയി ശ്രീപാദ രംഗത്ത്
advertisement
2/11
സിനിമ മേഖലയില് സ്ത്രീകള് നേരിടുന്ന മോശം സാഹചര്യങ്ങളെ കുറിച്ച് നിരന്തരം വിമര്ശിക്കുന്നയാള് കൂടിയാണ് ചിന്മയി.മൻസൂർ അലി ഖാനെപ്പോലുള്ളവർ ഇങ്ങനെയാണ് എപ്പോഴും സംസാരിക്കുന്നത്.
advertisement
3/11
പണവും അധികാരവും സ്വാധീനവുമുള്ളവർക്കൊപ്പം നിന്ന് ഇതെല്ലാം ശരിയാണെന്ന മട്ടിൽ ഒരിക്കലും അപലപിക്കപ്പെടാതെ അവർ ചിരിച്ചുകൊണ്ടേയിരിക്കും.
advertisement
4/11
മൻസൂർ അലി ഖാന് ഇനിയും ഒരുപാട് സിനിമകൾ കിട്ടും. ഇത്തരം അവസ്ഥയ്ക്ക് യാതൊരു മാറ്റവും ഉണ്ടാകാന് പോകുന്നില്ല. ഞാൻ ആണാണ്, എന്നെക്കൊണ്ട് സാധിക്കും, നീയും അതുപോലെയാവണം എന്ന് ചില പുരുഷന്മാർ വെറുപ്പുളവാക്കുംവിധം പരസ്യമായി അഭിമാനംകൊള്ളുന്നുണ്ട്.
advertisement
5/11
ഇവരൊന്നും ഒരിക്കലും മാറില്ല. അവർ വളരെക്കാലം ജീവിക്കുകയും അത്രയും കാലം ഇത്തരം പരാമർശങ്ങൾ നടത്തുകയും ചെയ്യും. നുഴഞ്ഞുകയറ്റക്കാരും പീഡനത്തിന്റെ വക്താക്കളും മൺമറഞ്ഞാൽ മാത്രമേ വരുംതലമുറ നന്നാവൂ. അതുവരേക്കും മാറ്റത്തിന് ഒരവസരവുമില്ല’, ചിന്മയി ശ്രീപാദ കുറിച്ചു. ലിയോയില് തൃഷ അവതരിപ്പിച്ച കഥാപാത്രത്തിന് ചിന്മയി ആയിരുന്നു ഡബ്ബ് ചെയ്തിരുന്നത്.
advertisement
6/11
ലോകേഷ് കനകരാജ് സംവിധാനം ചെയ്ത് വിജയ് നായകനായെത്തിയ ലിയോ എന്ന സിനിമയില് തൃഷയും മന്സൂര് അലിഖാനും അഭിനയിച്ചിരുന്നു.
advertisement
7/11
റിലീസിന് ശേഷം നടന്ന ഒരു അഭിമുഖത്തില് ലിയോയിൽ തൃഷയുമൊത്തുള്ള കിടപ്പറ രംഗം പ്രതീക്ഷിച്ചെന്നാണ് മൻസൂർ അലി ഖാൻ നടത്തിയ പരാമർശം.
advertisement
8/11
നേരത്തെ ചില സിനിമകളിൽ ഖുശ്ബുവിനെയും റോജയെയും കട്ടിലിലേക്ക് ഇടുന്നത് പോലെ തൃഷയെ ഇടാൻ പറ്റിയില്ലെന്നും താൻ ചെയ്ത സിനിമകളിലെ റോപ് സീനുകളൊന്നും ലിയോയിൽ ഉണ്ടായിരുന്നില്ലെന്നുമാണ് മൻസൂർ അലിഖാൻ പറഞ്ഞത്. ഇതിനെതിരെ തൃഷ, സംവിധായകന് ലോകേഷ് കനകരാജ് തുടങ്ങിയവര് പ്രതിഷേധവുമായി രംഗത്തെത്തിയിരുന്നു.
advertisement
9/11
മൻസൂർ അലി ഖാൻ എന്നെക്കുറിച്ച് നീചവും വെറുപ്പുളവാക്കുന്നതുമായ രീതിയിൽ സംസാരിച്ച ഒരു വീഡിയോ കണ്ടതായും, അതിനെ ശക്തമായി അപലപിക്കുന്നതായും തൃഷ പറഞ്ഞു. ഇത്തരത്തിൽ ലൈംഗകതയും അനാദരവും സ്ത്രീവിരുദ്ധതയും പ്രകടിപ്പിക്കാൻ മോശം സ്വഭാവമുള്ളവർക്കേ കഴിയൂവെന്നും തൃഷ ട്വിറ്ററിൽ കുറിച്ചു.
advertisement
10/11
'അയാളെപ്പോലുള്ളവർക്കൊപ്പം ഒരിക്കലും സ്ക്രീൻ സ്പേസ് പങ്കിടാത്തതിൽ ഞാൻ ഇപ്പോൾ സന്തോഷവതിയാണ്, എന്റെ സിനിമാ ജീവിതത്തിന്റെ ഇനിയുള്ള കാലത്തും അത് ഒരുകാരണവശാലും സംഭവിക്കില്ലെന്ന് ഞാൻ ഉറപ്പാക്കും. അയാളെ പോലുള്ളവർ മനുഷ്യരാശിക്ക് തന്നെ അപമാനമാണ്', തൃഷ കുറിച്ചു.
advertisement
11/11
മൻസൂർ അലിഖാന്റെ സ്ത്രീവിരുദ്ധ പ്രസ്താവനയിൽ നിരാശയും രോഷവും തോന്നി. സ്ത്രീകൾ, സഹകലാകാരൻമാർ, പ്രൊഫഷണലുകൾ എന്നിവരോടുള്ള ബഹുമാനം അമൂല്യമായ ഒന്നായിരിക്കണം. മൻസൂറിന്റെ പരാമർശത്തെ ശക്തമായി അപലപിക്കുന്നതായും ലോകേഷ് പറഞ്ഞു.
മലയാളം വാർത്തകൾ/Photogallery/Buzz/
'മന്സൂര് അലിഖാന് ഇനിയും സിനിമകള് കിട്ടും, ഈ ആണുങ്ങള് ഒരിക്കലും മാറില്ല'; ചിന്മയി ശ്രീപാദ