രാമക്ഷേത്ര ഭൂമി പൂജയിൽ പങ്കെടുക്കേണ്ട പുരോഹിതന് കോവിഡ്; 16 സുരക്ഷാജീവനക്കാർക്കും രോഗം

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ സാന്നിധ്യത്തിൽ ഓഗസ്റ്റ് അഞ്ചിന് നടക്കുന്ന രാമക്ഷേത്രത്തിന്റെ ഭൂമിപൂജ ചടങ്ങിനായി കാത്തിരിക്കുകയാണ് അയോധ്യ. അതിനിടെ ഭൂമിപൂജ ചടങ്ങിൽ പങ്കെടുക്കേണ്ട ഒരു പുരോഹിതനും 16 സുരക്ഷാ ജീവനക്കാർക്കും കോവിഡ് സ്ഥിരീകരിച്ചത് ആശങ്കയായി മാറിയിട്ടുണ്ട്.

രാമക്ഷേത്ര ഭൂമിയിൽ പതിവായി പൂജ നടത്തുന്ന നാലു പുരോഹിതരിൽ ഒരാളായ ആചാര്യ സതേന്ദ്ര ദാസിന്‍റെ ശിഷ്യനായ പ്രദീപ് ദാസിനാണ് കോവിഡ് സ്ഥിരീകരിച്ചത്.

പ്രദീപ് ദാസിനെ ഇപ്പോൾ ഹോം ക്വറന്‍റീനിലാക്കിയിട്ടുണ്ട്. ഇദ്ദേഹത്തിന്‍റെ അടുത്ത ബന്ധം പുലർത്തിയവരെയും കണ്ടെത്തി നിരീക്ഷണത്തിലാക്കിയിട്ടുണ്ട്. പ്രദീപ് ദാസുമായി ബുധനാഴ്ച അഭിമുഖം നടത്തിയ ചില മാധ്യമ പ്രവർത്തകരെയും നിരീക്ഷണത്തിലാക്കിയിട്ടുണ്ട്.

ഉത്തർപ്രദേശ് ആരോഗ്യവകുപ്പിന്റെ ഏറ്റവും പുതിയ കണക്കുകൾ പ്രകാരം അയോധ്യയിൽ ബുധനാഴ്ച 66 പേർക്കു കോവിഡ് -19 സ്ഥിരീകരിച്ചു. ഇതുവരെ 605 പേരെ ആശുപത്രികളിൽ നിന്ന് ഡിസ്ചാർജ് ചെയ്തപ്പോൾ 375 പേർ ചികിത്സയിലുണ്ട്. ജില്ലയിൽ ഇതുവരെ 13 പേർ മരിച്ചു.

മോദിയുടെ സന്ദർശനത്തിന് മുന്നോടിയായി അയോദ്ധ്യയിൽ സുരക്ഷാ ക്രമീകരണങ്ങൾ ഏർപ്പെടുത്തിയിട്ടുണ്ട്. ഈ സമയത്ത് മുഖ്യമന്ത്രി യോഗി ആദിത്യനാഥിനൊപ്പം രാജ്യത്തിന്റെ വിവിധ ഭാഗങ്ങളിൽ നിന്നുള്ള വിശിഷ്ടാതിഥികളും പങ്കെടുക്കും.

ഭൂമി പൂജ പരിപാടിയുടെ ആഡംബരവും പ്രചാരണവും ഉറപ്പുവരുത്തുന്നതിനായി രാം മന്ദിർ തീർത് ക്ഷത്ര ട്രസ്റ്റ് രണ്ട് വാട്ടർപ്രൂഫ് ‘പന്തലുകളും’ ഒരു ചെറിയ പ്ലാറ്റ്ഫോമും നിർമ്മിക്കും