#metoo Payal Ghosh | 'വൈ' കാറ്റഗറി സുരക്ഷ വേണം; അനുരാഗ് കശ്യപിനെതിരെ പരാതി നൽകിയ നടി പായൽ ഘോഷ് ഗവർണറെ കണ്ടു

ബോളിവുഡ് സംവിധായകനും നിർമ്മാതാവുമായ അനുരാഗ് കശ്യപിനെതിരെ ലൈംഗിക പീഡന ആരോപണവുമായി രംഗത്തെത്തിയ നടി പായൽ ഘോഷ് മഹാരാഷ്ട്ര ഗവർണർ ഭഗത് സിംഗ് കോഷിയാരിയെ കണ്ടു. (Image: Special Arrangement)

'വൈ' കാറ്റഗറി സുരക്ഷ ആവശ്യപ്പെട്ടാണ് നടി ഗവർണറെ കണ്ടത്. രാജ്ഭവനിലെത്തിയാണ് നടി അദ്ദേഹത്തെ കണ്ടത്. കേന്ദ്രമന്ത്രി രാംദാസ് അത്തേവാലയും നടിക്കൊപ്പമുണ്ടായിരുന്നു.(Image: Special Arrangement)

കേന്ദ്ര സാമൂഹ്യനീതി, ശാക്തീകരണ സഹമന്ത്രി ഡോ. രാംദാസ് അത്തേവാലക്കൊപ്പം ചലച്ചിത്ര നടി പയൽ ഘോഷ് മുംബൈയിലെ രാജ്ഭവന്‍ സന്ദർശിച്ച് ഒരു മെമ്മോറാണ്ടം നൽകിയതായി ഗവർണർ ട്വീറ്റ് ചെയ്തു. (Image: Special Arrangement)

ഗവർണർ എല്ലാ പിന്തുണയും നൽകിയതായി പായൽ ഘോഷും ട്വീറ്റ് ചെയ്തു.(Image: Special Arrangement)

സുരക്ഷ ആവശ്യപ്പെട്ട് ഗവർണർക്ക് പരാതി നൽകിയതായി പായൽ ഘോഷിന്റെ അഭിഭാഷകൻ നിതിൻ സത്പുത് പറഞ്ഞു. പൊലീസ് ഒന്നും ചെയ്യാത്തതിനാലാണ് ഗവർണറെ കാണുന്നതെന്നും അദ്ദേഹം വ്യക്തമാക്കി.

സോഷ്യൽ മീഡിയയിലൂടെയാണ് പായൽ ഘോഷ് അനുരാഗ് കശ്യപിനെതിരെ ആരോപണവുമായി രംഗത്തത്തിയത്. ബോംബൈ വെൽവെറ്റ് എന്ന സിനിമയുടെ ഷൂട്ടിംഗിനിടെ 2014ൽ തനിക്കെതിരെ ലൈംഗികാതിക്രമം നടന്നുവെന്നാണ് പായൽ ഘോഷിന്റെ ആരോപണം.

അനുരാഗ് കശ്യപ് ലൈംഗിക ബന്ധത്തിൽ ഏർപ്പെടാൻ തന്നെ നിർബന്ധിച്ചെന്നും തനിക്ക് ബുദ്ധിമുട്ടുണ്ടെന്ന് പറഞ്ഞപ്പോൾ ഇതെല്ലാം എല്ലാവരും ചെയ്യുന്നതാണെന്ന് പറഞ്ഞെന്നുമാണ് പായൽഘോഷ് പറയുന്നത്.

ഇതിനു പിന്നാലെയാണ് പായൽ ഘോഷ് പൊലീസിൽ പരാതി നൽകിയത്. അഭിഭാഷകനൊപ്പം വെർസോവ പൊലീസ് സ്റ്റേഷനിലെത്തിയാണ് അവർ പരാതി നൽകിയത്.