കളക്ഷൻ റെക്കോർഡ് ഇനി ഗദാർ 2ന്; ഷാരൂഖ് ഖാന്‍റെ പത്താനെ മറികടന്നു

സണ്ണി ഡിയോളും അമീഷ പട്ടേലും മുഖ്യ വേഷത്തിൽ അഭിനയിച്ച ഗദാർ 2 രാജ്യത്ത് ഏറ്റവും കൂടുതൽ കളക്ഷൻ നേടുന്ന ഹിന്ദി ചിത്രമായി മാറി. ഏഴാം ആഴ്‌ചയിൽ 524.75 കോടി നേടിയാണ് ഗദാർ 2 പുതിയ നേട്ടം കൈവരിച്ചത്.

ഷാരൂഖ് ഖാൻ നായകനായി അഭിനയിച്ച പത്താൻ എന്ന ചിത്രത്തെയാണ് ഗദാർ 2 കളക്ഷൻ റെക്കോർഡിൽ പിന്നലാക്കിയത്. ഷാരൂഖ് ഖാന്‍റെ പത്താൻ ഏഴാമത്തെ ആഴ്ചയിൽ 524.53 കോടി രൂപയാണ് കളക്ഷൻ നേടിയത്.

അനിൽ ശർമ്മ സംവിധാനം ചെയ്ത ഗദ2ർ 2, 2001-ൽ പുറത്തിറങ്ങിയ ഗദർ: ഏക് പ്രേം കഥയുടെ തുടർച്ചയാണ്. ഇത് സ്വാതന്ത്ര്യദിന ആഴ്ചയിലാണ് തിയറ്ററുകളിലെത്തിയത്. ആക്ഷൻ സീക്വൻസുകൾ കൊണ്ട് സിനിമാപ്രേമികളെ ആകർഷിക്കുന്ന ചിത്രമായിരുന്നു ഗദാർ 2.

മാസ് അപ്പീലുകളിലൂടെയാണ് ഗദാർ 2 പ്രേക്ഷകരുടെ മനംകവർന്നത്. ഇത് സിംഗിൾ സ്‌ക്രീനുകളിലും ടയർ 2, ടയർ 3 നഗരങ്ങളിലും മികച്ച കളക്ഷനാണ് നേടിയത്.

എന്നാൽ ഗദാർ 2ന് നേട്ടം അധികകാലം നിലനിർത്താനാകില്ല. ഷാരൂഖ് ഖാന്‍റെ പുതിയ ചിത്രമായ ജവാൻ ഏഴാമത്തെ ആഴ്ചയ്ക്ക് മുമ്പ് തന്നെ ഗദാർ 2നെ മറികടക്കുമെന്ന് ഉറപ്പാണ്.

ജവാൻ ഹിന്ദി പതിപ്പ് നിലവിൽ 519.69 കോടി രൂപ കളക്ഷൻ നേടികഴിഞ്ഞു. നിലവിൽ, വിവേക് അഗ്നിഹോത്രിയുടെ ദി വാക്സിൻ വാർ, പുൽകിത് സാമ്രാട്ട്, റിച്ച ഛദ്ദ എന്നിവർ അഭിനയിച്ച ഫുക്രേ 3 റിലീസിലൂടെ ബോക്‌സ് ഓഫീസ് ചലനാത്മകത എങ്ങനെ മാറുമെന്ന് കണ്ടറിയണം.