Anusree | അനുശ്രീയുടെ പേരിൽ കേരളത്തിൽ ഒരു റോഡുണ്ടോ? പറഞ്ഞത് മറ്റാരുമല്ല, അനുശ്രീ തന്നെയാണ്

താരാരാധനയുടെ പല വേർഷനുകൾ കണ്ടവരാണ് മലയാളികൾ. സിനിമ റിലീസാവുന്ന ദിവസം പോസ്റ്ററുകളിൽ പാലഭിഷേകം നടത്തുന്നത് മുതൽ ദൈവങ്ങളെ പോലെ ഇവരെ ആരാധിക്കുന്നവരുമുണ്ട്. അവർക്കിടയിൽ പുതിയ ഒരു ചർച്ചയ്ക്കു തുടക്കം കുറിച്ചുകൊണ്ട് വരികയാണ് നടി അനുശ്രീ

കേരളത്തിൽ ഒരിടത്ത് 'അനുശ്രീ റോഡ്' എന്ന് പേരുള്ള സ്ഥലമുണ്ട്. സത്യമായിട്ടും. അത് പറഞ്ഞത് മറ്റാരുമല്ല, അനുശ്രീ തന്നെയാണ്. തന്റെ ഇൻസ്റ്റഗ്രാം പോസ്റ്റിലാണ് അനുശ്രീ ഇത് പോസ്റ്റ് ചെയ്തത്. കൂടാതെ ആ റോഡിൻറെ ചിത്രവും അനുശ്രീ തന്നെ കാട്ടിത്തന്നിട്ടുമുണ്ട്. കാണേണ്ടേ? (തുടർന്ന് വായിക്കുക)

എറണാകുളം ജില്ലയിലെ മുടക്കുഴ ഗ്രാമപഞ്ചായത്തിലാണ് മേൽപ്പറഞ്ഞ അനുശ്രീ റോഡുള്ളത്. പച്ച പെയിന്റ് അടിച്ച്, അതിൽ വെളുത്ത അക്ഷരങ്ങളിൽ അനുശ്രീ റോഡ് എന്ന് വ്യക്തമായി എഴുതിയിട്ടുമുണ്ട്

ഇതാണ് അനുശ്രീ റോഡ്. മറ്റൊരാൾ പോസ്റ്റ് ചെയ്ത ചിത്രം തന്റെ ഇൻസ്റ്റഗ്രാം സ്റ്റോറിയിൽ ഇട്ടുകൊണ്ടാണ് അനുശ്രീ, 'അനുശ്രീ റോഡിനെ' പരിചയപ്പെടുത്തുന്നത്. 'പിന്നല്ല' എന്ന് ക്യാപ്‌ഷനും കൊടുത്തിട്ടുണ്ട്

എന്തായാലും ഈ റോഡ് നടി അനുശ്രീയുടെ പേരിലേത് തന്നെ എന്ന് പറയാൻ കഴിയുമോ എന്നാണ്. ഇതുവരെയായതും അങ്ങനെ ഒന്ന് സംഭവിച്ച കാര്യം എങ്ങും വാർത്തയായിട്ടില്ല

2019ൽ പുറത്തിറങ്ങിയ 'പ്രതി പൂവങ്കോഴിയാണ്‌' അനുശ്രീയുടെ ഏറ്റവും അടുത്തു തിയേറ്ററിൽ റിലീസ് ചെയ്ത ചിത്രം. മഞ്ജു വാര്യരുടെ സഹപ്രവർത്തകയായുള്ള ഈ റോൾ ശ്രദ്ധ നേടിയിരുന്നു