Happy birthday Mammootty | ന്യൂഡൽഹി മുതൽ ഭീഷ്മപർവം വരെ; കണ്ടിരിക്കേണ്ട മമ്മൂട്ടി ചിത്രങ്ങൾ

നടനെന്ന നിലയിൽ അഞ്ച് പതിറ്റാണ്ട് നീണ്ട കരിയറിൽ 400-ലധികം സിനിമകളിൽ പ്രത്യക്ഷപ്പെട്ട മമ്മൂട്ടിക്ക് ഇന്ന് 71-ാം ജന്മദിനം (71st birthday of Mammootty). ഇന്ത്യയിലെ തന്നെ ഏറ്റവും മികച്ച താരങ്ങളിൽ ഒരാളായ അദ്ദേഹം, ശ്രദ്ധേയവും കഠിനവുമായ വേഷങ്ങളിലൂടെ അദ്ദേഹം തന്റെ മികവ് പലകുറി തെളിയിച്ചുകഴിഞ്ഞു. അദ്ദേഹത്തിന്റെ അതുല്യമായ ചാരുതയും കഴിവും നടനെന്ന നിലയിൽ അദ്ദേഹത്തെ വേറിട്ടതാക്കി

മലയാളം, തമിഴ്, തെലുങ്ക്, ഹിന്ദി, ഇംഗ്ലീഷ്, കന്നഡ എന്നിങ്ങനെ ആറ് വ്യത്യസ്ത ഭാഷകളിലെ ചിത്രങ്ങളിൽ മമ്മൂട്ടി പ്രത്യക്ഷപ്പെട്ടിട്ടുണ്ട്. ഇന്ന് മമ്മുക്ക തന്റെ 71-ാം ജന്മദിനം ആഘോഷിക്കുമ്പോൾ, ബിഗ് സ്‌ക്രീനിലെ തന്റെ മിന്നുന്ന പ്രകടനങ്ങൾ കൊണ്ട് അദ്ദേഹം പ്രേക്ഷകരുടെ മനംകവർന്ന ചിത്രങ്ങളുടെ ഒരു പട്ടിക ഇതാ

ന്യൂഡൽഹി (1987): ജോഷി സംവിധാനം ചെയ്‌ത, ഇർവിംഗ് വാലസിന്റെ 'ദ ഓൾമൈറ്റി' ആസ്പദമാക്കി നിർമ്മിച്ച ചിത്രത്തിൽ ജി. കൃഷ്ണമൂർത്തി എന്ന കഥാപാത്രത്തെ അവതരിപ്പിച്ചത് മമ്മൂട്ടിയാണ്. കൃഷ്ണമൂർത്തി ഡൽഹിയിലെ പ്രതിഭാധനനായ പത്രപ്രവർത്തകനും കാർട്ടൂണിസ്റ്റുമാണ്. സൂപ്പർസ്റ്റാർ പദവിയിലേക്ക് മമ്മൂട്ടിയെ പിടിച്ചുയർത്തിയ ചിത്രമാണിത്

തനിയാവർത്തനം (1987): എ.കെ. ലോഹിതദാസ് തിരക്കഥയെഴുതി, സിബി മലയിൽ സംവിധാനം ചെയ്ത ഈ ചിത്രം മാനസിക അസ്വാസ്ഥ്യമുള്ള അമ്മാവനുള്ള സ്കൂൾ അധ്യാപകനായ ബാലൻ മാഷിനെ (മമ്മൂട്ടി) ചുറ്റിപ്പറ്റിയാണ്. ഈ രോഗാവസ്ഥ പാരമ്പര്യമായി ലഭിച്ചതായി കുടുംബവും നാട്ടുകാരും കരുതപ്പെടുന്നു. അമ്മാവന്റെ മരണശേഷം, സമൂഹം ബാലന്റെ ഓരോ നീക്കങ്ങളും വിലയിരുത്താനും അന്വേഷിക്കാനും തുടങ്ങുന്നു. ഒടുവിൽ അയാളെ മാനസികരോഗിയായി മുദ്രകുത്തുന്നു

ഒരു വടക്കൻ വീരഗാഥ (1989): ഇതിഹാസ പോരാളിയായ ചന്തു ചേകവരുടെ ജീവിതത്തിന്റെ പുനഃരാഖ്യാനമായ ഇതിഹാസം മലയാള സിനിമയുടെ കാലാതീതമായ ക്ലാസിക് ആയി കണക്കാക്കപ്പെടുന്നു. മമ്മൂട്ടിക്ക് ദേശീയ അവാർഡ് നേടിക്കൊടുത്ത ചിത്രം കൂടിയാണ്

ഡോ ബാബാസാഹേബ് അംബേദ്കർ (2000): ഹിന്ദി-ഇംഗ്ലീഷ് ബയോപിക്കിൽ, ഇന്ത്യൻ ഭരണഘടനയുടെ ശില്പി ഡോ: ബി.ആർ. അംബേദ്‌കർ ആയി മമ്മൂട്ടി ടൈറ്റിൽ റോൾ അവതരിപ്പിക്കുകയും, അടിച്ചമർത്തപ്പെട്ടവരെ സഹായിക്കുന്ന സാമൂഹിക പരിഷ്കർത്താവായി മികച്ച പ്രകടനം നടത്തുകയും ചെയ്തു. ഡോ.അംബേദ്കറുടെ ജീവിതത്തെക്കുറിച്ചുള്ള സിനിമയിലെ അഭിനയത്തിന് മികച്ച നടനുള്ള മറ്റൊരു ദേശീയ അവാർഡ് കൂടി അദ്ദേഹം സ്വന്തമാക്കി

രാജമാണിക്യം (2005): നിരവധി ഭാഷകളിലേക്ക് റീമേക്ക് ചെയ്യപ്പെട്ട ആക്ഷൻ-കോമഡി, മലയാളത്തിലെ ബോക്‌സ് ഓഫീസിൽ വമ്പൻ കളക്ഷൻ നേടിയ സിനിമയായിരുന്നു. തമ്മിലടിക്കുന്ന സഹോദരങ്ങളെ വീണ്ടും ഒന്നിപ്പിക്കാൻ അജ്ഞാതനായി ഒരു ഗ്രാമത്തിലേക്ക് മടങ്ങുന്ന ധനികന്റെ കഥയിൽ ബെല്ലാരി രാജയായി മമ്മൂട്ടി വേഷമിട്ടു. ഹ്യൂമർ പ്രാധാന്യമുള്ള വേഷമായിരുന്നു ഇത്

ഭീഷ്മപർവ്വം (2022): അമൽ നീരദിന്റെ ഭീഷ്മപർവ്വം മഹാഭാരതത്തിൽ നിന്നും പ്രചോദനം ഉൾക്കൊണ്ട ചിത്രമാണ്. അഞ്ഞൂറ്റി കുടുംബത്തിലെ പ്രധാനിയായ മൈക്കിളിനെയാണ് മമ്മൂട്ടി അവതരിപ്പിക്കുന്നത്. അദ്ദേഹത്തിന്റെ ജീവിതത്തെ അടിസ്ഥാനമാക്കിയുള്ളതാണ് ഇതിവൃത്തം