കൊടുങ്കാറ്റിന് മുന്‍പ് ഉള്ള ഇടിമുഴക്കമാണ് അവൾ ! ജവാനിലെ നയന്‍താരയെ കുറിച്ച് ഷാരൂഖ് ഖാന്‍
- Published by:Arun krishna
- news18-malayalam
Last Updated:
അത്യുഗ്രന്‍ ആക്ഷന്‍ രംഗങ്ങളിലൂടെ നയന്‍സ് ജവാനില്‍ പ്രേക്ഷകരെ അതിശയിപ്പിക്കുമെന്ന് ട്രെയിലറില്‍ നിന്ന് വ്യക്തമാണ്.
advertisement
1/6
ബോളിവുഡ് സിനിമ പ്രേമികള്‍ ഒന്നടങ്കം കാത്തിരിക്കുന്ന ചിത്രമാണ് കിങ് ഖാന്‍ ഷാരൂഖ് നായകനാകുന്ന ജവാന്‍. പത്താന്‍ നേടിയ വന്‍ വിജയം ആവര്‍ത്തിക്കാന്‍ ഒരുങ്ങുന്ന ഷാരൂഖ് ഖാന്‍റെ ഈ ആക്ഷന്‍ ത്രില്ലര്‍ സിനിമയില്‍ ഇന്ത്യയിലെ പ്രമുഖരായ നിരവധി താരങ്ങള്‍ അണിനിരക്കുന്നുണ്ട്.
advertisement
2/6
തമിഴ് സംവിധായകന്‍ അറ്റ്ലി ആദ്യമായി ഒരുക്കുന്ന ഹിന്ദി സിനിമയായ ജവാനില്‍ തെന്നിന്ത്യയിലെ തന്നെ പ്രമുഖ താരങ്ങള്‍ അണിനിരക്കുന്നു. ലേഡി സൂപ്പര്‍ സ്റ്റാര്‍ നയന്‍താരയാണ് ചിത്രത്തിലെ ബോളിവുഡ് താര രാജാവിന്‍റെ നായികയായി എത്തുന്നത്. അത്യുഗ്രന്‍ ആക്ഷന്‍ രംഗങ്ങളിലൂടെ നയന്‍സ് ജവാനില്‍ പ്രേക്ഷകരെ അതിശയിപ്പിക്കുമെന്ന് ട്രെയിലറില്‍ നിന്ന് വ്യക്തമാണ്.
advertisement
3/6
ഇപ്പോഴിതാ സിനിമയിലെ നയന്‍താരയുടെ കഥാപാത്രത്തെ കുറിച്ച് സോഷ്യല്‍ മീഡിയയിലൂടെ സൂചന നല്‍കിയിരിക്കുകയാണ് ഷാരൂഖ്. 'കൊടുങ്കാറ്റിന് മുന്‍പ് ഉള്ള ഇടിമുഴക്കമാണ് അവൾ' എന്നാണ് ചിത്രത്തിലെ നയന്‍സിന്‍റെ കാര്യക്ടര്‍ പോസ്റ്റര്‍ പങ്കുവെച്ച് താരം പറഞ്ഞിരിക്കുന്നത്. മെഷീന്‍ ഗണ്‍ കൈകളിലേന്തി ബുള്ളറ്റ് പ്രൂഫ് ജാക്കറ്റും ധരിച്ച് കറുത്ത കണ്ണടയുമായി നില്‍ക്കുന്ന നയന്‍താരയാണ് പോസ്റ്ററിലുള്ളത്.
advertisement
4/6
നയന്‍താരയുടെ ബോളിവുഡ് അരങ്ങേറ്റ ചിത്രമായ ജവനില്‍ വിജയ് സേതുപതിയാണ് വില്ലനായി എത്തുന്നത്. ബോളിവുഡ് താരം ദീപിക പദുക്കോണും അതിഥി വേഷത്തിലെത്തും.റെഡ് ചില്ലീസ് എന്‍റര്‍ടൈന്‍മെന്‍സിന്‍റെ ബാനറില്‍ ഗൗരിഖാൻ ആണ് ജവാന്‍ നിര്‍മ്മിക്കുന്നത്.
advertisement
5/6
ദക്ഷിണേന്ത്യയില്‍ ഏറെ ആരാധകരുള്ള സംഗീത സംവിധായകന്‍ അനിരുദ്ധാണ് ജവാനിലെ ഗാനങ്ങള്‍ക്ക് സംഗീതം നല്‍കുന്നത്. സെപ്റ്റംബർ 7ന് ഹിന്ദി, തമിഴ്, തെലുങ്ക് എന്നീ ഭാഷകളിലായി ചിത്രം തിയേറ്ററുകളിലെത്തും..
advertisement
6/6
പ്രിയാമണി, ഗിരിജ ഓക്ക്, സഞ്ജീത ഭട്ടാചാര്യ, ലെഹര്‍ ഖാന്‍, ആലിയ ഖുറേഷി, റിധി ഡോഗ്ര, സുനില്‍ ഗ്രോവര്‍, മുകേഷ് ഛബ്ര എന്നിവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
മലയാളം വാർത്തകൾ/Photogallery/Film/
കൊടുങ്കാറ്റിന് മുന്‍പ് ഉള്ള ഇടിമുഴക്കമാണ് അവൾ ! ജവാനിലെ നയന്‍താരയെ കുറിച്ച് ഷാരൂഖ് ഖാന്‍