'സ്വാഭിമാനമുള്ള ഹിന്ദു എന്ന നിലയില്‍ ഇന്ത്യയുമായി എനിക്കെപ്പോഴും ബന്ധമുണ്ടായിരിക്കും'; യുകെ പ്രധാനമന്ത്രി ഋഷി സുനക്

ബ്രിട്ടീഷ് പ്രധാനമന്ത്രി ഋഷി സുനക് പ്രശസ്മായ അക്ഷര്‍ത്ഥാം ക്ഷേത്രത്തില്‍ ദര്‍ശനം നടത്തി. ഭാര്യ അക്ഷതാ മൂര്‍ത്തിക്കൊപ്പമാണ് അദ്ദേഹം ഡല്‍ഹിയിലെ അക്ഷര്‍ത്ഥാം സ്വാമി നാരായണ്‍ ക്ഷേത്രത്തിലെത്തിയത്.

ഇന്ത്യയില്‍ നടക്കുന്ന ജി20 ഉച്ചകോടിയില്‍ പങ്കെടുക്കാനായി രണ്ട് ദിവസത്തേക്കാണ് അദ്ദേഹം ഡല്‍ഹിയിലെത്തിയത്. ഇന്ത്യയില്‍ വേരുകളുള്ള ഋഷി സുനക് ബ്രീട്ടിഷ് പ്രധാനമന്ത്രിയായ ശേഷമുള്ള ആദ്യത്തെ ഇന്ത്യ സന്ദര്‍ശനം ആയിരുന്നു ഇത്.

വെളുത്ത നിറത്തിലുള്ള ഷര്‍ട്ടും നീല പാന്‍റും ധാരിച്ചാണ് അദ്ദേഹം ക്ഷേത്ര ദര്‍ശനത്തിനെത്തിയത്. ഭാര്യ അക്ഷത മൂര്‍ത്തിയാകട്ടെ ഒരു കുര്‍ത്തയും പാലാസോയുമാണ് ധരിച്ചിരുന്നത്. ക്ഷേത്രത്തിലെത്തിയ ഋഷി സുനകിനെയും ഭാര്യയെയും പുരോഹിതന്മാര്‍ ചേര്‍ന്ന് സ്വീകരിച്ചു

ഇരുവരും ചേര്‍ന്ന് ആരതിയും അഭിഷേകവും അടക്കമുള്ള പൂജ കര്‍മ്മങ്ങളും നിര്‍വഹിച്ചു. ക്ഷേത്രത്തിലെ പൂജാരിമാർ  ഋഷി സുനകിനയെും പത്നിയെയും  100 ഏക്കർ വിസ്തൃതിയുള്ള ക്ഷേത്ര സമുച്ചയം ചുറ്റിനടന്ന് കാണിച്ചു.

ക്ഷേത്ര ദര്‍ശനത്തിന് ശേഷം തന്‍റെ ഇന്ത്യന്‍ വേരുകളെ കുറിച്ച് അഭിമാനിക്കുന്ന ആളാണ് താനെന്ന് അദ്ദേഹം എക്സ് പ്ലാറ്റ് ഫോമില്‍ കുറിച്ചു

എന്റെ ഇന്ത്യൻ വേരുകളിലും ഇന്ത്യയുമായുള്ള ബന്ധത്തിലും ഞാൻ വളരെയധികം അഭിമാനിക്കുന്നു ... 

സ്വാഭിമാനമുള്ള ഒരു ഹിന്ദു എന്ന നിലയിൽ എനിക്ക് ഇന്ത്യയുമായും ഇന്ത്യയിലെ ജനങ്ങളുമായും എപ്പോഴും ഒരു ബന്ധം ഉണ്ടായിരിക്കും- അദ്ദേഹം കുറിച്ചു

കൺസർവേറ്റീവ് പാർട്ടിയുടെ 43-കാരനായ നേതാവ് 2015-ലാണ് ആദ്യമായി എംപിയായി തിരഞ്ഞെടുക്കപ്പെടുന്നത്.  

2020 ഫെബ്രുവരിയിൽ അന്നത്തെ പ്രധാനമന്ത്രി ബോറിസ് ജോൺസൺ അദ്ദേഹത്തെ ധനമന്ത്രിയുടെ ചുമതല നല്‍കി

കഴിഞ്ഞ വർഷം ഒക്ടോബറിലാണ് ബ്രീട്ടിഷ് പ്രധാനമന്ത്രി പദത്തിലെത്തുന്ന ആദ്യഇന്ത്യന്‍ വംശജന്‍ എന്ന ചരിത്ര നേട്ടം സ്വന്തമാക്കിയത്

ഋഷി സുനകും ഭാര്യ അക്ഷതാ മൂര്‍ത്തിയും ക്ഷേത്രദര്‍ശനത്തിനിടെ