'അങ്ങയുടെ നേതൃത്വത്തില്‍ ഞങ്ങൾ കൂട്ടായി അഭിവൃദ്ധി പ്രാപിക്കുന്നു'; G20 സംഘാടനത്തിന് നരേന്ദ്രമോദിയെ പ്രശംസിച്ച് ഷാരൂഖ് ഖാന്‍

ഇന്ത്യ ആതിഥേയത്വം വഹിച്ച പതിനെട്ടാമത് ജി20 ഉച്ചകോടിയുടെ സംഘാടന മികവിന് പ്രധാനമന്ത്രി നരേന്ദ്രമോദിയെ പ്രശംസിച്ച് ബോളിവുഡ് താരം ഷാരൂഖ് ഖാന്‍.

ഇന്ത്യയുടെ ജി20 ഉച്ചകോടി സംഘാടന വിജയത്തിനും ലോകജനതയുടെ മെച്ചപ്പെട്ട ഭാവിക്കായി രാഷ്ട്രങ്ങൾ തമ്മിലുള്ള ഐക്യം വളർത്തിയെടുക്കുന്നതിനും വേണ്ടി പരിശ്രമിച്ച ബഹുമാനപ്പെട്ട പ്രധാനമന്ത്രി നരേന്ദ്രമോദിക്ക് അഭിനന്ദനം.

ഓരോ ഇന്ത്യാക്കാരന്‍റെയും ഹൃദയത്തില്‍ ഇത് അഭിമാനം നിറച്ചു. അങ്ങയുടെ നേതൃത്വത്തില്‍ ഞങ്ങള്‍ ഒറ്റപ്പെട്ടല്ല കൂട്ടായാണ് അഭിവൃദ്ധി പ്രാപിക്കുന്നത്. ഒരു ഭൂമി ഒരു കുടുംബം ഒരു ഭാവി- ഷാരൂഖ് ഖാന്‍ എക്സില്‍ കുറിച്ചു.

ലോക രാഷ്ട്രങ്ങള്‍ക്ക് മുന്‍പില്‍ ഇന്ത്യയുടെ പൈതൃകവും സാംസ്കാകിക തനിമയും വിളിച്ചോതുന്ന ജി20 ഉച്ചകോടി ഇന്നാണ് സമാപിച്ചത്.അധ്യക്ഷ പദം ബ്രസീലിന് കൈമാറി ഉച്ചകോടി അവസാനിച്ചതായി പ്രധാനമന്ത്രി നരേന്ദ്രമോദി പ്രഖ്യാപിച്ചു. പ്രതീകാത്മകമായി അധ്യക്ഷ സ്ഥാനം കൈമാറിയങ്കിലും നവംബർ 30 വരെ ഇന്ത്യ അധ്യക്ഷ സ്ഥാനത്ത് തുടരും.

പ്രധാനമന്ത്രി നരേന്ദ്ര മോദി അധ്യക്ഷ സ്ഥാനത്തിന്റെ അടയാളമായ ചുറ്റിക പ്രതീകാത്മകമായി ബ്രസീല്‍ പ്രസിഡന്റ് ലുല ഡി സില്‍വക്ക് കൈമാറി. ഊർജ സംരക്ഷണം, ദാരിദ്ര്യ നിർമാജനം തുടങ്ങിയവയ്‌ക്ക് ബ്രസീൽ മുൻഗണന നൽകുമെന്ന് പ്രസിഡന്റ് ലൂയിസ്‌ ഇനാസിയോ ലുല ഡ സിൽവ അറിയിച്ചു.

ബ്രസീലിന് പൂർണ്ണ പിന്തുണ നൽകുമെന്നും പുതിയ നേതൃത്വത്തിൽ G-20 പ്രതീക്ഷിച്ച ലക്ഷ്യങ്ങൾ കൈവരിക്കുമെന്ന ഉറപ്പുണ്ടെന്നും പ്രധാനമന്ത്രി നരേന്ദ്രമോദി വ്യക്തമാക്കി. നവംബറിൽ ജി 20 വർക്കിങ് സെഷന്‍ ചേരും. ന്യൂ ഡൽഹി സമ്മേളനത്തിലെ നിർദ്ദേശങ്ങളുടെ അടിസ്ഥാനത്തിലുള്ള പ്രവർത്തനങ്ങൾ വിലയിരുത്തുന്നതിനായി വിർച്വൽ ഉച്ചകോടി ചേരുന്നത്

വെർച്വൽ സെഷൻ നടത്താൻ പ്രധാനമന്ത്രി മോദിയാണ് സമാപന സമ്മേളനത്തെ അഭിസംബോധന ചെയ്തുകൊണ്ട് സംസാരിക്കുമ്പോൾ നിർദേശമായി മുന്നോട്ട് വെച്ചത്. ഒരു ഭാവി" (One Future) എന്ന വിഷയത്തിവാണ് അവസാന ദിവസമായ ഇന്ന് ചർച്ച നടന്നത്.

സ്ത്രീ ശാക്തീകരണത്തുനും ഡിജിറ്റൽ സാങ്കേതിക വിദ്യയുടെ പ്രചാരണത്തിനുമടക്കം സുപ്രധാന തീരുമാനങ്ങൾ ഉച്ചകോടിയിലുണ്ടായി

സമാപന സമ്മേളനത്തിന് മുന്നോടിയായി രാവിലെ ജി20 ഉച്ചകോടിക്കെത്തിയ നേതാക്കൾ ഒന്നിച്ച് രാജ്ഘട്ടിലെത്തി ഗാന്ധി സമാധിയിൽ പുഷ്പ ചക്രം സമർപ്പിച്ചു.