സംസ്ഥാനത്ത് ആദ്യം; വികസനം വിലയിരുത്താന് ആരോഗ്യമന്ത്രി എല്ലാ താലൂക്ക്, ജില്ലാ, ജനറല് ആശുപത്രികളും സന്ദര്ശിക്കുന്നു
- Published by:Arun krishna
- news18-malayalam
Last Updated:
ഓരോ ആശുപത്രിയിലും നടക്കുന്ന വികസനപ്രവര്ത്തനങ്ങള് നേരിട്ട് വിലയിരുത്താനും പോരായ്മകള് പരിഹരിച്ച് സമയബന്ധിതമായി നടപടി സ്വീകരിക്കാനുമാണ് സന്ദര്ശനം
advertisement
1/9

തിരുവനന്തപുരം: സംസ്ഥാനത്തെ എല്ലാ താലൂക്ക്, ജില്ലാ, ജനറല് ആശുപത്രികളിലും ആരോഗ്യ വകുപ്പ് മന്ത്രി വീണാ ജോര്ജ് സന്ദര്ശനം നടത്തി പ്രവര്ത്തനങ്ങള് അവലോകനം ചെയ്യുന്ന 'ആര്ദ്രം ആരോഗ്യം'പരിപാടിക്ക് ഇന്ന് തുടക്കമായി.
advertisement
2/9
സംസ്ഥാനത്ത് ആദ്യമായാണ് ഒരു മന്ത്രിയുടെ നേതൃത്വത്തിലുള്ള ഉന്നതതല സംഘം എല്ലാ താലൂക്ക്, ജില്ലാ, ജനറല് ആശുപത്രികളും സന്ദര്ശിക്കുന്നത്.
advertisement
3/9
അതത് ജില്ലകളിലെ എംഎല്എമാര്, മറ്റ് ജനപ്രതിനിധികള്, ആരോഗ്യ വകുപ്പ് ഡയറക്ടര്, ആരോഗ്യ വകുപ്പിലെ മറ്റ് ഉന്നത ഉദ്യോഗസ്ഥര് എന്നിവര് സന്ദര്ശനത്തില് മന്ത്രിയോടൊപ്പമുണ്ടാകും.
advertisement
4/9
ഓരോ ആശുപത്രിയിലും നടക്കുന്ന വികസനപ്രവര്ത്തനങ്ങള് നേരിട്ട് വിലയിരുത്താനും പോരായ്മകള് പരിഹരിച്ച് സമയബന്ധിതമായി നടപടി സ്വീകരിക്കാനും ഇതിലൂടെ സാധിക്കുന്നതാണ്.
advertisement
5/9
എല്ലാ ദിവസവും വൈകുന്നേരം എംഎല്എമാര് ഉള്പ്പെടെയുള്ള ജനപ്രതിനിധികളും ഉദ്യോഗസ്ഥരും പങ്കെടുക്കുന്ന അവലോകന യോഗവും ജില്ലയില് നടക്കും.
advertisement
6/9
ജനകീയ പങ്കാളിത്തത്തോടെ ആര്ദ്രം മിഷന് ലക്ഷ്യങ്ങള് പൂര്ണമായി യാഥാര്ത്ഥ്യമാക്കാനാണ് പരിശ്രമിക്കുന്നതെന്ന് മന്ത്രി വീണാ ജോര്ജ് പറഞ്ഞു. ആര്ദ്രം മാനദണ്ഡങ്ങള് പ്രകാരം സ്പെഷ്യാലിറ്റി സേവനങ്ങള് താലൂക്ക് ആശുപത്രി തലം മുതലാണ് തുടങ്ങുന്നത്.
advertisement
7/9
നിലവില് നല്കപ്പെടുന്ന സേവനങ്ങളും ജനങ്ങള്ക്ക് അത് അനുഭവവേദ്യമാകുന്നതും വിലയിരുത്തുക, നിര്മ്മാണ പ്രവര്ത്തനങ്ങളുടെ പുരോഗതി അവലോകനം ചെയ്യുക,
advertisement
8/9
മാനദണ്ഡപ്രകാരമുള്ള സുരക്ഷാ ക്രമീകരണങ്ങള് വിലയിരുത്തുക, മാലിന്യ സംസ്കരണ സംവിധാനങ്ങള് കാര്യക്ഷമത ഉറപ്പാക്കുക തുടങ്ങിവ സന്ദര്ശനത്തിന്റെ ഭാഗമായി അവലോകനം ചെയ്യപ്പെടുമെന്നും മന്ത്രി വ്യക്തമാക്കി.
advertisement
9/9
ഇന്ന് എറണാകുളം, കോട്ടയം ജില്ലകളിലെ കോതമംഗലം, മൂവാറ്റുപുഴ, പിറവം, കുറവിലങ്ങാട്, പാല, കാഞ്ഞിരപ്പള്ളി, പാമ്പാടി, ചങ്ങനാശേരി ആശുപത്രികളാണ് സന്ദര്ശിച്ചു വരുന്നത്. ഒക്ടോബര് 10ന് എറണാകുളം, ആലപ്പുഴ ജില്ലകളിലാണ് സന്ദര്ശനം നടത്തുന്നത്. ഒക്ടോബര് അവസാനത്തോടെ ആശുപത്രികളിലെ സന്ദര്ശനം പൂര്ത്തിയാക്കാനാണ് ലക്ഷ്യമിടുന്നത്.
മലയാളം വാർത്തകൾ/Photogallery/Kerala/
സംസ്ഥാനത്ത് ആദ്യം; വികസനം വിലയിരുത്താന് ആരോഗ്യമന്ത്രി എല്ലാ താലൂക്ക്, ജില്ലാ, ജനറല് ആശുപത്രികളും സന്ദര്ശിക്കുന്നു