ഹൃദ്രോഗത്തിന്‍റെ അധികമാർക്കും അറിയാത്ത 8 ലക്ഷണങ്ങൾ എന്തൊക്കെയെന്ന് നോക്കാം

നോക്കാം ലോകത്ത് ഏറ്റവുമധികം ആളുകൾ മരണമടയുന്നത് ഹൃദയ സംബന്ധിയായ അസുഖങ്ങളെ തുടർന്നാണെന്ന് ലോകാരോഗ്യസംഘടന പറയുന്നു. ഹൃദയം തകരാറിലാണെന്ന് തിരിച്ചറിയുംവിധം നിരവധി ലക്ഷണങ്ങൾ ശരീരം പ്രകടിപ്പിക്കാറുണ്ട്. നെഞ്ച് വേദനയും നെഞ്ചിൽ ഭാരവും കൈകളിൽ വേദനയും ക്ഷീണവുമൊക്കെ അതിൽ പ്രധാനമാണ്. പ്രശസ്ത ഹെൽത്ത് വെബ്സൈറ്റായ വെബ് മെഡി റിപ്പോർട്ട് പ്രകാരം ഹൃദ്രോഗത്തിന്‍റെ അധികമാർക്കും അറിയാത്ത 8 ലക്ഷങ്ങൾ എന്തൊക്കെയാണെന്ന് നോക്കാം.

<strong>1. സ്ലീപ്പ് അപ്നിയ</strong> ഉറക്കത്തിനിടെ ശ്വാസോച്ഛ്വാസം പെട്ടെന്ന് നിൽക്കുകയും കൂർക്കംവലി ഇല്ലാതാകുകയും ചെയ്യുന്നതിലൂടെ, തലച്ചോറിന് ആവശ്യമായ ഓക്സിജൻ ലഭിച്ചേക്കില്ല. ഈ അവസ്ഥയിൽ രക്തക്കുഴലുകളിലേക്കും ഹൃദയത്തിലേക്കും രക്തയോട്ടം നിലനിർത്താൻ അമിതമായി പ്രവർത്തിക്കേണ്ടിവരും. ഇത് ഉയർന്ന രക്തസമ്മർദ്ദം, അസാധാരണമായ ഹൃദയ സ്പന്ദനം, ഹൃദയാഘാതം, ഹൃദയസ്തംഭനം എന്നിവയ്ക്കുള്ള നിങ്ങളുടെ അപകടസാധ്യത വർദ്ധിപ്പിക്കുന്നു. സ്ലീപ് അപ്നിയ എന്ന ആരോഗ്യപ്രശ്നം കണ്ടെത്തി ചികിത്സിച്ചു ഭേദമാക്കാനാകും.

<strong>2. കൈകൾക്ക് ഗ്രിപ്പ് കുറയുക </strong> ഹൃദയത്തിന്‍റെ അനാരോഗ്യം പെട്ടെന്ന് തന്നെ കൈകളെ ബാധിക്കും. ഒരു വസ്തുവിനെ പിടിക്കാൻ പ്രയാസം അനുഭവപ്പെടുകയോ, പിടിക്കുന്ന വസ്തു വഴുതി പോകുകയോ ചെയ്യുന്ന പ്രശ്നം സ്ഥിരമായി അനുഭവിക്കുന്നുണ്ട്. എങ്കിൽ ഹൃദ്രോഗ സാധ്യത കൂടുതലായിരിക്കും. ഈ ഘട്ടത്തിൽ വൈദ്യം സഹായം തേടാൻ വൈകരുത്.

<strong>3. നഖങ്ങൾക്ക് താഴെ കറുത്ത പാടുകൾ</strong>കൈവിരലിലോ കാൽവിരലിലോ മുറിവേൽക്കാതെ തന്നെ കറുത്ത പാടുകൾ കാണാറുണ്ടോ? രക്തം മരവിച്ചതുപോലെയുള്ള ഇത്തരം പാടുകൾ ചിലരിലെങ്കിലും ഹൃദയത്തിന്റെയോ വാൽവുകളുടെയോ പാളിയിലെ എൻഡോകാർഡിറ്റിസ് എന്ന അണുബാധയെ സൂചിപ്പിച്ചേക്കാം. പ്രമേമുള്ളവരിലും ഇത്തരത്തിൽ നഖത്തിന് അടിയിൽ കറുത്ത പാട് കാണാറുണ്ട്. അത്തരം ആളുകളിൽ ഹൃദ്രോഗവും പക്ഷാഘാതവും ഉണ്ടാകാനുള്ള സാധ്യത രണ്ടോ നാലോ മടങ്ങ് കൂടുതലാണ്.

<strong>4. തലകറക്കം </strong> തലച്ചോറിലേക്ക് ആവശ്യത്തിന് രക്തം പമ്പ് ചെയ്യാത്തതിനാൽ നിങ്ങളുടെ ഹൃദയത്തിൽ സംഭവിക്കുന്ന എന്തെങ്കിലും തകരാറിന്റെ നേരിട്ടുള്ള ഫലമായി തലകറക്കം ഉണ്ടാകാം. ശരീരത്തിലെ എന്തെങ്കിലും അസ്വാഭാവികതയുടെ ലക്ഷണമായി തലകറക്കം കാണപ്പെടുന്നത്. അതിനെ ആർറിത്മിയ എന്ന് വിളിക്കുന്നു. ഹൃദയസ്തംഭനം, അതായത് പേശികളുടെ ബലഹീനത, എന്നിവ ഉണ്ടായാൽ ലക്ഷണമായി തലകറക്കം ഉണ്ടാകാം. ഹൃദയസ്തംഭനത്തിന്റെ അത്ര അറിയപ്പെടാത്ത പല ലക്ഷണങ്ങളിൽ ഒന്നാണ് വിയർപ്പ് അനുഭവപ്പെടുന്നത്.

<strong>5. ലൈംഗിക പ്രശ്നങ്ങൾ </strong> ലൈംഗകതയിലെ പ്രശ്നങ്ങൾ ചിലരിലെങ്കിലും ഹൃദ്രോഗമോ ഹൃദയാഘാതം അല്ലെങ്കിൽ സ്ട്രോക്ക് ഉണ്ടാകാനുള്ള സാധ്യത കൂടുതലാണെന്നതിന്‍റെ ലക്ഷണമാകാം. ഉദ്ധാരണക്കുറവുള്ള പുരുഷന്മാർക്ക് ഉയർന്ന രക്തസമ്മർദ്ദം അല്ലെങ്കിൽ കൊളസ്ട്രോൾ അടിഞ്ഞുകൂടുന്നത് മൂലം ഇടുങ്ങിയ ധമനികളുമായി ബന്ധപ്പെട്ട രക്തചംക്രമണ പ്രശ്നങ്ങൾ ഉണ്ടാകാം. ഈ രക്തപ്രവാഹ പ്രശ്നങ്ങൾ ഒരു സ്ത്രീയുടെ രതിമൂർച്ഛയും ലൈംഗികതയും ആസ്വദിക്കാനുള്ള കഴിവ് കുറയ്ക്കും.

6. മോണയിൽ രക്തസ്രാവം മോണരോഗവും ഹൃദ്രോഗവും തമ്മിലുള്ള ബന്ധം സംബന്ധിച്ച് നിരവധി പഠനങ്ങൾ നടന്നിട്ടുണ്ട്. മോണയിൽ രക്തസ്രാവം, നീർവീക്കം, അല്ലെങ്കിൽ മൃദുവായ മോണ എന്നിവ ചിലരിലെങ്കിലും ഹൃദയവുമായി ബന്ധപ്പെട്ട പ്രശ്‌നങ്ങളിലേക്ക് നയിച്ചേക്കാമെന്ന് പഠനങ്ങൾ സൂചിപ്പിക്കുന്നു. നിങ്ങളുടെ മോണയിൽ നിന്നുള്ള ബാക്ടീരിയകൾ രക്തത്തിൽ കലരുകയും ഹൃദയത്തിൽ വീക്കം ഉണ്ടാക്കുകയും ചെയ്യുമെന്നും പഠനങ്ങളിൽ പറയുന്നുണ്ട്

<strong>7. ശ്വാസതടസ്സം</strong>ശ്വാസതടസ്സം അനുഭവപ്പെടുന്നത് ഹൃദയസ്തംഭനത്തിന്റെയോ ഹൃദയാഘാതത്തിന്റെയോ ലക്ഷണമാകാം. നിങ്ങൾക്ക് എളുപ്പമായിരുന്ന കാര്യങ്ങൾ ചെയ്‌തതിന് ശേഷം ശ്വാസോച്ഛാസം ചെയ്യാൻ ബുദ്ധിമുട്ടുകയാണെങ്കിലോ കിടക്കുമ്പോൾ ശ്വസിക്കാൻ പ്രയാസമുണ്ടെങ്കിലോ ഉടൻ തന്നെ വൈദ്യസഹായം തേടുക.

<strong>8. ക്ഷീണം </strong> ഉറക്കക്കുറവ് പലരിലും കടുത്ത ക്ഷീണത്തിന് ഇടയാക്കുന്നുണ്ട്. തുടർച്ചയായി ഉറക്കക്കുറവും ക്ഷീണവും അനുഭവപ്പെടുന്നത് ഹൃദയസ്തംഭനത്തിന്‍റെ മുൻകൂട്ടിയുള്ള ലക്ഷണങ്ങളിലൊന്നാകാം. ശരീരത്തിന്റെ ആവശ്യങ്ങൾ നിറവേറ്റാൻ പേശികൾ നന്നായി പമ്പ് ചെയ്യാതെ വരുമ്പോൾ ചുമ, നീർവീക്കം എന്നിവ പോലുള്ള മറ്റ് ലക്ഷണങ്ങളും ഉണ്ടാകാം. കൂടാതെ തുടർച്ചയായി ക്ഷീണി അനുഭവപ്പെടുന്നത് അനീമിയ, അർബുദം അല്ലെങ്കിൽ വിഷാദം എന്നിവയുൾപ്പെടെയുള്ള വിവിധ അവസ്ഥകളുടെ മുന്നറിയിപ്പ് ലക്ഷണമാകാമെന്നും വിദഗ്ദ്ധർ പറയുന്നു.                                 <strong>Disclaimer - മുകളിൽ നൽകിയിരിക്കുന്ന വിവരങ്ങൾ വിവിധ പഠനങ്ങളെ അടിസ്ഥാനാക്കി വെബ് മെഡ് എന്ന വെബ്സൈറ്റ് പ്രസിദ്ധീകരിച്ചതാണ്. ഏതെങ്കിലും തരത്തിൽ അസ്വസ്ഥതകളോ ലക്ഷണങ്ങളോ അനുഭവപ്പെട്ടാൽ വിദഗ്ദ്ധനായ ഡോക്ടറുടെ നിർദേശാനുസരണം ചികിത്സ തേടുക</strong>