ശരീരഭാരം കുറയാനായി ഈ മത്സ്യങ്ങൾ കഴിക്കൂ...

ശരീരഭാരം കുറയ്ക്കുന്നതിനായി നിരവധി ഡയറ്റുകൾ തിരഞ്ഞെടുക്കുന്നവരുണ്ട്. ചിലരെങ്കിലും മത്സ്യവും മാംസവും ഒഴിവാക്കി കൊണ്ട് വണ്ണം കുറയാനുള്ള വഴികൾ തെരഞ്ഞെടുക്കും. എന്നാൽ, ഭാരം കുറയ്ക്കാൻ ആഗ്രഹിക്കുന്ന ഏതൊരാൾക്കും മത്സ്യം കഴിച്ചുകൊണ്ട് ഡയറ്റ് എടുക്കുന്നത് നല്ലതാണ്. മീനിൽ കലോറി കുറവാണ്. പ്രോട്ടീനും ആരോഗ്യകരമായ കൊഴുപ്പുകളും ഇതിൽ അടങ്ങിയിരിക്കുന്നു. ഇത്തരക്കാർക്ക് കഴിയ്ക്കാൻ കഴിയുന്ന ചില മത്സ്യങ്ങളെ പരിചയപ്പെടാം...

മത്തി: മൃദുവായതും പരന്നതുമായ ഈ മത്സ്യത്തിന് പ്രത്യേകമായൊരു രുചിയുണ്ട്. ആരോഗ്യകരമായ കൊഴുപ്പുകളാൽ സമ്പന്നവുമാണ്. ഇവയിൽ ഒമേ​ഗ-3 ഫാറ്റി ആസിഡുകള്‍ അടങ്ങിയിട്ടുള്ളതിനാല്‍ ശരീരത്തിന് ഏറെ നല്ലതാണ്. കാത്സ്യവും വിറ്റാമിൻ ഡിയും എല്ലുകളുടെ ബലം വർധിപ്പിക്കാൻ സഹായിക്കും.

അയല: ഒമേഗ-3 ഫാറ്റി ആസിഡുകളാൽ സമ്പന്നമായ മറ്റൊരു രുചികരമായ മത്സ്യമാണ് അയല. ഇതിൽ 16 ഗ്രാം പ്രോട്ടീനും 2,000 മില്ലിഗ്രാമിൽ കൂടുതൽ ഒമേഗ-3 ഫാറ്റി ആസിഡുകളും അടങ്ങിയിരിക്കുന്നു.

പുഴമീൻ: ഈ മീനില്‌ 18 ഗ്രാം പ്രോട്ടീൻ, വിറ്റാമിനുകൾ, ധാതുക്കൾ, ഒമേഗ-3 എന്നിവ അടങ്ങിയിട്ടുണ്ട്. ഈ മത്സ്യം പ്രത്യേകിച്ച് ഒമേഗ-3 ഫാറ്റി ആസിഡുകളാൽ സമ്പുഷ്ടമാണ്. ഇത് ആരോഗ്യകരമായ മെറ്റബോളിസത്തിന് സഹായിക്കുന്നു. ഇത് ഗ്രിൽ ചെയ്തോ വറുത്തോ കഴിക്കാം.

സാൽമൺ: ഹൃദയാരോഗ്യത്തിനും ശരീരഭാരം കുറയ്ക്കാനും സാൽമൺ നല്ലതാണ്. പിങ്ക് അല്ലെങ്കിൽ ചുവപ്പ് നിറത്തിലുള്ള ഈ മത്സ്യത്തിൽ 17 ഗ്രാം പ്രോട്ടീൻ, ഒമേഗ-3 ഫാറ്റി ആസിഡുകൾ, നിരവധി വിറ്റാമിനുകളും ധാതുക്കളും അടങ്ങിയിട്ടുണ്ട്. സാൽമണിലെ കാൽസിറ്റോണിൻ എന്ന ഹോർമോൺ ശരീരഭാരം കുറയ്ക്കാൻ സഹായിക്കുന്നു.

മത്തി ചാള : വലിപ്പം കുറവാണെങ്കിലും ചാള മീൻ പോഷകങ്ങളാൽ സമ്പുഷ്ടമാണ്. ഇത് കഴിക്കുന്നതിലൂടെ കഴിക്കുന്നതിലൂടെ 23 ഗ്രാം പ്രോട്ടീനും ധാരാളം ഒമേഗ-3 ആസിഡുകളും ലഭിക്കും. കാത്സ്യം വർധിപ്പിക്കാനും ഈ മീൻ നല്ലതാണ്..

ട്യൂണ: ആരോഗ്യകരവുമായ ഭക്ഷണമാണ് ട്യൂണ. ഇത് പ്രോട്ടീനും ആവശ്യമായ ഫാറ്റി ആസിഡുകളും കൊണ്ട് സമ്പുഷ്ടമാണ്. 3 ഔൺസ് ട്യൂണയിൽ 22 ഗ്രാം പ്രോട്ടീനുണ്ട്. ശരീരഭാരം കുറയ്ക്കാൻ ആ​ഗ്രഹിക്കുന്നവർക്ക് ഈ മത്സ്യം നല്ലതാണ്. (ശ്രദ്ധിക്കുക: ഇന്റർനെറ്റിൽ ലഭ്യമായ റിപ്പോർട്ടുകളെയും വിവരങ്ങളെയും അടിസ്ഥാനമാക്കിയുള്ളതാണ് ഈ ലേഖനം. ‍‌‍ഡയറ്റിൽ ഈ മത്സ്യങ്ങൾ ഉൾപ്പെടുത്തുന്നതിന് മുമ്പെ ഏതെങ്കിലും ആരോ​ഗ്യ വിദ​ഗ്ദ്ധന്റെ നിർദേശം സ്വീകരിക്കുന്നത് നല്ലതാണ്. ന്യൂസ് 18-ന് ഇതുമായി ബന്ധമില്ല.)