Gold Price Today: മാസതുടക്കത്തിൽ തന്നെ സ്വർണവിലയിൽ കുതിപ്പ്; ഇന്നത്തെ നിരക്ക് അറിയാം

തിരുവനന്തപുരം: മാസതുടക്കത്തിൽ തന്നെ കേരളത്തില്‍ സ്വര്‍ണവിലയില്‍ വന്‍ വര്‍ധനവ്. പവന് 400 രൂപയും ​ഗ്രാമിന് 50 രൂപയുമാണ് കൂടിയത്. ഒരു പവൻ സ്വർണ്ണത്തിന് ഇന്ന് 51,600 രൂപയും, ഗ്രാമിന് 6450 രൂപയുമാണ് ഇന്നത്തെ വില .കേരളത്തില്‍ ഒരു പവൻ സ്വർണത്തിന് 51,200 രൂപയാണ് ബുധനാഴ്ചത്തെ വില.

കേന്ദ്ര സർക്കാർ സ്വർണം, വെള്ളി എന്നിവയുടെ ഇറക്കുമതി ചുങ്കം കുറച്ചതോടെയാണ് സംസ്ഥാനത്ത് സ്വർണവില കുറയാൻ ഇടയായത്.എന്നാൽ വില ഇടിഞ്ഞതിന്റെ ആശ്വാസം അവസാനിക്കുംമുൻപാണ് ഒറ്റദിവസം കൊണ്ട് വലിയ വർധന ഉണ്ടായിരിക്കുന്നത്.

അന്താരാഷ്ട്ര വിപണിയില്‍ ഔണ്‍സ് സ്വര്‍ണത്തിന് 2417 ഡോളറിലെത്തി. നേരത്തെ 2400 ഡോളറില്‍ താഴെയായിരുന്നു. കേന്ദ്ര ബാങ്കുകള്‍ പലിശ നിരക്ക് കുറയ്ക്കുമെന്ന അഭ്യൂഹം ശക്തമായതാണ് സ്വര്‍ണത്തിലേക്ക് കൂടുതല്‍ പേര്‍ ആകര്‍ഷിക്കാന്‍ കാരണം. പലിശ നിരക്ക് കുറച്ചാല്‍ നിക്ഷേപ വരുമാനം കുറയും. ഈ പ്രതിസന്ധി മറികടക്കാനാണ് സ്വര്‍ണത്തിലേക്ക് തിരിയുന്നത്

ജൂലൈ മാസത്തിലെ ഏറ്റവും ഉയർന്ന നിരക്ക് സ്വർണ്ണവിലയിൽ രേഖപ്പെടുത്തിയത് ജൂലൈ 17 - നായിരുന്നു. 55,000 രൂപ. ജൂലൈ മാസത്തിലെ ഏറ്റവും കുറഞ്ഞ നിരക്ക് രേഖപെടുത്തിയത്ത് ജൂലൈ 26- നായിരുന്നു 50,400 രൂപ.

 സെപ്റ്റംബറില്‍ സ്വർണ്ണ നിരക്ക് കുറയ്ക്കുമെന്നാണ് അഭ്യൂഹം. ഈ തീരുമാനം വരും ദിവസങ്ങളിൽ സ്വർണവിലയെ സ്വാധീനിക്കും