Kerala Gold Price |റെക്കോർഡ് വർധനയിൽ സ്വർണവില ; നിരക്ക്

സംസ്ഥാനത്തെ സ്വർണവിലയിൽ (Gold Rate ) വീണ്ടും വൻ വർധനവ്‌. ഇന്ന് പവന് 120 രൂപയുടെ വർധനവാണ് രേഖപ്പെടുത്തിയിരിക്കുന്നത്. ഇതോടെ 59,640 രൂപയാണ് ഒരു പവൻ സ്വർണത്തിന്റെ വിപണി നിരക്ക്. കഴിഞ്ഞ ദിവസം 520 രൂപയുടെ വർധനവാണ് ഉണ്ടായത് ഇതോടെയാണ് വില 59,000 കടന്നത്.ഗ്രാമിന് 15 രൂപയാണ് വർധിച്ചത് 7455 രൂപയാണ് ഒരു ഗ്രാമിന്റെ നിരക്ക് .സ്വർണവിലയിൽ വർദ്ധനവ് കാരണം വില 60000 കടക്കുമോ എന്ന ആശങ്കയിലാണ് ആഭരണം വാങ്ങാനായി കാത്തിരിക്കുന്നവർ.

കഴിഞ്ഞ മൂന്ന് ദിവസത്തിനിടെ മാത്രം 1200 രൂപയുടെ വർധനവാണ് സ്വർണവിലയിലുണ്ടായത്. തിങ്കളാഴ്ച വില കുറഞ്ഞത് ആശ്വാസമായിരുന്നു. 360 രൂപയാണ് തിങ്കളാഴ്ച ഒറ്റയടിക്ക് കുറഞ്ഞിരുന്നത്. ശനി, ഞായർ ദിവസങ്ങളിൽ ഒരേ വിലയിലാണ് സംസ്ഥാനത്ത് സ്വർണ വ്യാപാരം നടന്നത്. ചൊവ്വാഴ്ച ഒറ്റയടിക്ക് 480 രൂപ വർധിച്ചു.

കേരളത്തിൽ സ്വർണവില പവന് വൈകാതെ 60,000 രൂപയെന്ന നാഴികക്കല്ല് ഭേദിക്കുമെന്നാണ് വിലയിരുത്തൽ. രാജ്യാന്തര വില റെക്കോർഡ് തകർത്ത് കുതിച്ചതിന്റെ പ്രതിഫലനമാണ് കേരളത്തിലും കാണുന്നത്.

കഴിഞ്ഞ ദിവസം രേഖപ്പെടുത്തിയ ഔൺസിന് 2,781 ഡോളർ എന്ന റെക്കോർഡ് രാജ്യാന്തര വില ഇന്ന് മറികടന്ന് 2,787 ഡോളർ എന്ന പുതിയ ഉയരത്തിലെത്തി.യു എസ് തിരഞ്ഞെടുപ്പിന്റെ ഭാഗമായിട്ടാണ് രാജ്യാന്തര വിപണിയിൽ വില കുതിച്ചുയരുന്നത്.

ഡിസംബറോടെ സ്വര്‍ണം ഗ്രാമിന് 7550 മുതല്‍ 8000 രൂപ വരെ വിലയെത്തുമെന്നാണ് അനലിസ്റ്റുകളുടെ പ്രതീക്ഷ. ഇതുവരെയുള്ള കണക്കുകള്‍ പ്രകാരം കഴിഞ്ഞ വര്‍ഷത്തെ അപേക്ഷിച്ച് സ്വര്‍ണ വിലയില്‍ ഈ വര്‍ഷം 29 ശതമാനത്തിന്റെ വര്‍ധനയുണ്ടായിട്ടുണ്ട്.