വിവാഹദിനത്തിൽ വധു വേദിയിലെത്തിയത് മരിച്ചുപോയ തന്റെ മകന്റെ ഹൃദയമുള്ള കുട്ടിയുമായി

ഫോട്ടോഗ്രാഫർ ബ്രിയാന കാറ്റിയാണ് ഈ മനോഹരമായ ചിത്രം പകർത്തിയത്. വധുവും ഒരു ആൺകുട്ടിയും തമ്മിലുള്ള ആഴത്തിലുള്ള ഹൃദയസ്പർശിയായ കൂടിക്കാഴ്ചയെയാണ് ഈ ചിത്രം വിവരിക്കുന്നത്. രണ്ട് വർഷം മുമ്പാണ് വധുവായ കാസി വിൽസന്റെ ജീവിതത്തിൽ അപ്രതീക്ഷിതമായ ദുരന്തം സംഭവിക്കുന്നത്.

24 വയസ്സായിരുന്ന ആ അമ്മയ്ക്ക് 2023-ൽ ഉണ്ടായ ഒരു ഹൃദയഭേദകമായ അപകടത്തിൽ തന്റെ മൂന്ന് ആൺമക്കളിൽ ഒരാളായ നാല് വയസ്സുള്ള മൈൽസ് ഗോഡ്ഫ്രെയെ നഷ്ടപ്പെട്ടു. അതിവേഗതയിൽ വന്ന ഒരു ട്രക്ക് അവരുടെ മിനിവാനിൽ ഇടിക്കുകയായിരുന്നു. തലച്ചോറിന് ഗുരുതരമായി പരിക്കേറ്റിരുന്ന മൈൽസ് മരണത്തിനു കീഴടങ്ങി.

സങ്കൽപ്പിക്കാൻ പോലും സാധിക്കാത്ത ദുഃഖത്തിനിടയിലാണ് കാസി തന്റെ മകന്റെ അവയവങ്ങൾ ദാനം ചെയ്യാനുള്ള ധീരമായ തീരുമാനമെടുത്തത്. ഇത് നിരവധി പേർക്ക് ജീവൻ നൽകി. അവരിൽ മൈൽസിന്റെ ഹൃദയം സ്വീകരിച്ചത് ഏഴു വയസ്സുകാരനായ സാലിഹ് അഹ്മദ് ആയിരുന്നു.

ആ സാലിഹിന്റെ കയ്യും പിടിച്ചാണ് മറ്റൊരു ജീവിതത്തിലേക്ക് കടക്കുന്നതിനായി കാസി വിവാഹ വേദിയിലേക്കെത്തിയത്. അച്ഛന്റേയും സാലിഹിന്റേയും ഒപ്പം വേദിയിലേക്ക് കടന്നു വരുന്ന കാസി വിൽസനെ കണ്ട് വരനും കുടുംബവും അത്ഭുതത്തോടെ നോക്കി. "മറ്റൊരു സ്നേഹനിധിയായ അമ്മയുടെ മകനിൽ തന്റെ മകനുമായി അവൾ വീണ്ടും ഒന്നിച്ചു" എന്നാണ് ആ ചിത്രത്തെ ഫോട്ടോഗ്രാഫറായ ബ്രിയാന വിവരിക്കുന്നത്.

ഓൺലൈനിൽ പങ്കിട്ട ചിത്രങ്ങളിൽ വികാരഭരിതരായ സാലിഹും കാസിയും പരസ്പരം ആലിംഗനം ചെയ്യുന്നതായി കാണിച്ചു. മറ്റൊന്നിൽ വധു ഒരു വശത്ത് പിതാവും മറുവശത്ത് സാലിഹുമായി ഇടനാഴിയിലൂടെ നടക്കുന്നതായി കാണിച്ചു. മെയ് 25 നായിരുന്നു കാസിയുടെ വിവാഹം.

അത് വളരെ മധുരമുള്ള നിമിഷമായിരുന്നുവെന്നാണ് ആ ദിനത്തെക്കുറിച്ച് കാസി വിവരിച്ചത്. ചടങ്ങ് ആരംഭിക്കുന്നതിന് മുമ്പ്, സാലിഹിന്റെ മാതാപിതാക്കൾ സ്റ്റെതസ്കോപ്പ് ഉപയോഗിച്ച് മകന്റെ ഹൃദയമിടിപ്പ് വീണ്ടും കേൾക്കാൻ അവസരം നൽകിയതായും അവർ കൂട്ടിച്ചേർത്തു. മകൻ മരിച്ചതിനുശേഷം തനിക്ക് ഏറ്റവും അടുത്ത് അനുഭവപ്പെട്ടത് അതാണെന്ന് പറഞ്ഞു.