വെറും 27 പേർക്ക് ഒരു രാജ്യം; സ്വന്തമായി പതാകയും പാസ്‌പോർട്ടും; ഈ കുഞ്ഞന്‍ രാജ്യത്തെ അറിയാമോ?

ലോകത്തിലെ ഏറ്റവും ചെറിയ രാജ്യമേതാമെന്ന് ചോദിച്ചാല്‍ എല്ലാവരും വത്തിക്കാന്‍ സിറ്റിയെന്നാണ് പറയുക. എന്നാല്‍, സാധാരണ ഉയര്‍ന്നുവരുന്ന പേരുകള്‍ക്കപ്പുറം ഇപ്പോഴും അറിയപ്പെടാത്ത കുഞ്ഞന്‍ രാജ്യങ്ങളും ലോകത്തുണ്ട്. ചിലത് വളരെ ചെറുതാണ്. ഇത്തരത്തിലുള്ള ഒരു രാജ്യത്തെ പരിചയപ്പെടാം. ഇംഗ്ലണ്ടിനടുത്തുള്ള നോര്‍ത്ത് സീയിലെ സ്വയം പ്രഖ്യാപിത മൈക്രോനേഷനായ സീലാന്‍ഡ് ആണ് ഇതില്‍ ശ്രദ്ധേയം. ഈ രാജ്യത്ത് വെറും 27 പേര്‍ മാത്രമാണുള്ളത്. ഇംഗ്ലീഷാണ് ഇവിടുത്തെ ദേശീയ ഭാഷ. സീലാന്‍ഡ് ഡോളറാണ് ഇവിടുത്തെ പ്രാദേശിക കറന്‍സി. വളരെ ആകര്‍ഷകവും എന്നാല്‍, അത്ര അറിയപ്പെടാത്തതുമായ ഒരു രാജ്യമാണിത്. ഇവരുടെ കറന്‍സിക്ക് അന്താരാഷ്ട്രതലത്തില്‍ അംഗീകാരം ലഭിച്ചിട്ടില്ലെങ്കിലും ഇത്ര ചെറിയ രാജ്യത്തിന്റെ നിലനില്‍പ്പ് പലരെയും അത്ഭുതപ്പെടുത്തുന്നു.